default_image

3 weeks ago

February 1, 2024

एपिएफ मकवानपुर गोल्डकपको क्वाटरफाइनलमा

हेटौंडा (हाम्रो खेलकुद)- एपिएफ फुटबल क्लब हेटौंडामा जारी छैठौं संस्करणको सहिद स्मृति स्थानीय तह मकवानपुर गोल्डकप फुटबल प्रतियोगितको क्वाटरफाइनलमा पुगेको छ । गोलकिपर एञ्जल श्रेष्ठले उत्कृष्ट प्रदर्शन गरेपछि ए डिभिजन टोली मच्छिन्द्रलाई बिहीबार टाइब्रेकरमा ४–३ पराजित गर्दै एपिएफ अन्तिम आठमा पुगेको हो । एपिएफका गोलकिपर एञ्जलले टाइब्रेकरमा दुईवटा प्रहार रोकेका थिए । उनले मच्छिन्द्रका सनिस […]

983 views

0 Bookmark

हेटौंडा (हाम्रो खेलकुद)- एपिएफ फुटबल क्लब हेटौंडामा जारी छैठौं संस्करणको सहिद स्मृति स्थानीय तह मकवानपुर गोल्डकप फुटबल प्रतियोगितको क्वाटरफाइनलमा पुगेको छ ।

गोलकिपर एञ्जल श्रेष्ठले उत्कृष्ट प्रदर्शन गरेपछि ए डिभिजन टोली मच्छिन्द्रलाई बिहीबार टाइब्रेकरमा ४–३ पराजित गर्दै एपिएफ अन्तिम आठमा पुगेको हो ।

एपिएफका गोलकिपर एञ्जलले टाइब्रेकरमा दुईवटा प्रहार रोकेका थिए । उनले मच्छिन्द्रका सनिस श्रेष्ठ र करिमको पेनाल्टी विफल पारेका थिए । मच्छिन्द्रका विमल घर्तिमगर, झिजोबा क्रिस्पटिफोर र सौरव लिम्बुले गोल गरेका थिए ।

टाइब्रेकरमा एपिएफका विदेशी खेलाडी एनिसेट, फोडे फोफना, कुलदिप कार्की र दीपेश धिमालले गोल गरेका थिए । म्यान अफ दी म्याच चुनिए एपिएफका गोलकिपर एञ्जलले १० नगद हजार रुपैयाँ प्राप्त गरे ।

त्यसअघि निर्धारित समय १–१ को बराबरीमा टुंगिएपछि खेल सिधै टाइब्रेकरको लगिएको थियो । एनिसेटकको गोलमा खेलमा अग्रता एपिएफले नै लिएको थियो । ३९ औं‌ मिनेटमा कुलदिप कार्कीको पासमा एनिसेटले हेड मार्फत गोल गरेका हुन् ।

त्यसपछि खेलमा मच्छिन्द्रले दबाब बढाएको थियो । ७२ औं मिनेटमा विमलले हेडमार्फत गोल गर्दै खेललाई बराबरीमा पुर्याएका थिए । सौरवको को क्रसलाई विमलले गोल गरेका थिए।

एपिएफले क्वाटरफाइनलमा थ्रीस्टार‌ क्लबको सामना गर्नेछ । थ्री स्टारले शनिबार त्रिभुवन आर्मी फुटबल क्लबसँग पोखरामा जारी आहा रारा पोखरा गोल्डकपको फाइनल खेल्नेछ।

जिल्ला फुटबल संघ मकवानपुरको आयोजनामा
हेटौंडा–६, गौरिटारमा जारी प्रतियोगितामा शुक्रबार नेपाल पुलिस क्लब र धनकुटाको राजारानी फुटबल क्लबवीच प्रतिस्पर्धा हुनेछ ।

मकवानपुरका स्थानीय तहहरूको मुख्य प्रायोजन रहेको प्रतियोगिताको विजेताले उपाधिसहित १५ लाख र दोस्रो हुने टोलीले १० लाख रुपैयाँ प्राप्त गर्नेछ । प्रतियोगिताको सर्वोत्कृष्ट खेलाडीले बुलेट मोटरसाइकल पाउनेछन् ।विधागत उत्कृष्ट खेलाडीले जनही २५ हजार रुपैयाँ प्राप्त गर्नेछन् ।

February 23, 2024

पाँचथरमा कुम्मायक गोल्डकप अर्को महिना हुने

दिपक बोहोरा, पाँचथर पाँचथरमा अर्को महिना पाँचौ कुम्मायक गोल्डकप फुटबल प्रतियोगिता आयोजना हुने भएको छ । कुम्मायक स्पोर्टिङ क्लबको आयोजनामा हुने चैत ११ गतेबाट हुने प्रतियोगितामा पाँचथरका ८ स्थानिय तहहरुको सहभागिता रहने शुक्रबार पत्रकार सम्मेलन मार्फत जानकारी दिएको हो । यासोक स्थित पृथ्वी माविको खेलमैदानमा हुने प्रतियोगिताको विजेताले चाँदीको ट्रफि सहित १ लाख ११ हजार […]

February 23, 2024

क्रुसले सन्यास फिर्ता लिए

एजेन्सी – स्पेनिस क्लब रियल म्याड्रिडका प्रभावशाली जर्मन मिडफिल्डर टोनी क्रुसले अन्तर्राष्ट्रिय खेलबाट लिएको सन्यास फिर्ता लिएका छन् । जर्मनीको राष्ट्रिय टोलीका मुख्य प्रशिक्षक जुलियन नागेल्सम्यानसँगको वार्तापछि क्लब फुटबलमा लगातार उच्च प्रदर्शन गरिरहेका ३४ वर्षीय क्रुसले आफ्नो सन्यास फिर्ता लिएका हुन् । जर्मनीले यसैवर्ष युरोकप २०२४ को आयोजना गर्दैछ । घरेलु मैदानमा हुने युरोकपलाई नै […]

February 23, 2024

साम्बाले समर्थकलाई दिइन् धन्यवाद

काठमाडौं (हाम्रो खेलकुद) – राष्ट्रिय महिला फुटबल टोलीबाट ५० अन्तर्राष्ट्रिय गोल पूरा गरेपछि सावित्रा भण्डारी साम्बाले आफ्ना समर्थकलाई धन्यवाद दिएकी छिन् । साउदी अरेबियामा जारी वाफ च्याम्पियनसिपमा बिहीबार आयोजक इराकविरुद्ध ५–० को जितमा सबै गोल गरेकी साम्बाको ५० गोल पूरा भएको थियो । अन्तर्राष्ट्रिय फुटबलमा नेपालका लागि ५० गोल पूरा गर्ने उनी पहिलो खेलाडी हुन् […]

Success

Thank you for your time.