default_image

4 months ago

February 1, 2024

रोनाल्डो विना अल-नासर मेस्सीको इन्टर मियामी विरुद्ध खेल्दै 

857 views

0 Bookmark

एजेन्सी – क्रिष्टियानो रोनाल्डोले चोटका कारण लियोनल मेस्सीसँग बहुप्रतीक्षित पुनर्मिलनको मौका गुमाउने भएका छन् ।  अल-नासर प्रशिक्षक लुइस क्यास्ट्रोका अनुसार रोनाल्डोले चोटका कारण आज राति ११:४५ बजे सुरु हुने खेल गुमाउने छन् ।

रोनाल्डो चोटका कारण हाल मैदान बाहिर छन् । बिहीबार रियादमा हुने मैत्रीपूर्ण खेल खेल्नको लागि समयमै उनी फिट हुन सकेनन् । रोनाल्डो र मेस्सीबीचको ‘द लास्ट डान्स’ भनिएको खेलमा रोनाल्डोको उपस्थिति नहुने भएको छ । यी दुई सुपरस्टारको पछिल्लो भेट सन् २०२३ को जनवरीमा भएको थियो । त्यतिबेला मेस्सी सम्मिलित पेरिस सेन्ट-जर्मेनले अल-हिलाल र अल-नासरका खेलाडीहरू मिलेर बनेको अल-स्टार टोली विरुद्ध जित हासिल गरेको थियो । त्यो खेलमा मेस्सी र रोनाल्डो दुबैले समान २ गोल गरेका थिए । 

फ्रान्समा आफ्नो सम्झौताको म्याद सकिएपछि मेस्सी गत वर्ष इन्टर मियामी गएका थिए । रोनाल्डो २०२२ को अन्त्यतिर म्यानचेस्टर युनाइटेड छोडेपछि गत वर्षको सुरुमा अल-नासरमा आबद्ध भएका थिए।

इन्टर मियामी केही दिन अघि साउदी अरेबियाको क्लब अल हिलालसँग पराजित भएको थियो । इन्टर मियामी हाल प्रि-सिजन टुरमा छ । मियामीले आजको खेल पछि हङकङमा हङकङ इलेभेन र जापानमा भिसेल कोबेको सामना गर्नेछ । 

त्यसपछि इन्टर मियामीले फेब्रुअरीमा मेजर लिग सिजन सुरु हुनु अघि अमेरिकामा अर्जेन्टिनाको टोली निवेल ओल्ड ब्वाइज (लियोनेल मेस्सीको पुरानो क्लब) सँग खेल्नेछ । मियामीले फेब्रुअरी २२ मा घरेलु मैदानमा रियल साल्ट लेकसँग खेल्दै मेजर लिग सकर को नयाँ सिजन सुरुवात गर्नेछ।

बार्सिलोनाका पूर्व खेलाडी मेस्सी, सर्जियो बुस्केट्स, जोर्डी अल्बा र नयाँ थपिएका लुइस सुआरेज रोस्टरमा छन् । मेस्सीसँगै बुस्केट्स र अल्बा अघिल्लो सिजनमा क्लबमा सामेल भएका थिए भने सुआरेज यसै सिजनका लागि अनुबन्धित भएका हुन् ।

June 13, 2024

यु-२० एशियन कप: नेपाल समूह ‘बी’ मा  

काठमाडौं (हाम्रो खेलकुद) – नेपाल एएफसी यू–२० एसियन कप २०२५ छनोटको समूह ‘बी’ मा परेको छ । एएफसीको मुख्यालय क्वालालम्पुरमा बुधबार भएको ड्र समारोहमा नेपाल समूह बी मा परेको हो । नेपालको समूहमा उज्वेकिस्तान, बहराइन, चाइनिज ताइपेई र कम्बोडिया रहेका छन् । नेपालको समूहका खेलहरू सेप्टेम्बरमा चाइनिज ताइपेईमा हुनेछन् । नेपाली टोलीले छनोट खेल्न अघि […]

June 13, 2024

नेपाल, जापान र कतार एउटै समूहमा

काठमाडौं (हाम्रो खेलकुद) – एएफसी यु-१७ एसियन कप छनोटमा नेपाल एसियाली महारथी जापान र कतारसँगै एकै समूहमा परेको छ । बिहीबार भएको ड्र पछि नेपाल छनोटको समुह एफ मा परेको हो । समूहमा नेपालसँगै जापान र कतार बाहेक मंगोलिया रहेको छ । यस समुहका सबै खेल कतारले आयोजना गर्नेछ । छनोटका खेल आउँदो अक्टोबर महिनामा […]

June 12, 2024

यु-२० साफ: उद्दघाटन खेलमा नेपालले श्रीलंकाविरुद्ध खेल्ने

काठमाडौं (हाम्रो खेलकुद) – नेपालमा आउँदो अगस्ट १६ देखि २८ सम्म हुने साफ यु-२० पुरुष च्याम्पियनसिपको उद्दघाटन खेलमा नेपालले श्रीलंकाविरुद्ध खेल्ने भएको छ । दक्षिण एसियाली फुटबल महासंघ (साफ) ले बुधवार सार्वजनिक गरेको तालिकामा नेपालले उद्दघाटन खेलमा श्रीलंका विरुद्ध खेल्ने भएको हो । समूह ए मा रहेको नेपालले दोस्रो खेल पाकिस्तान विरुद्ध अगस्ट १९ मा […]

Success

Thank you for your time.