default_image

3 weeks ago

February 4, 2024

आयोजकलाई हराउँदै बागमती सेमिफाइनलमा

मकवानपुर (हाम्रो खेलकुद) – बागमती युथ क्लब छैटौं सहिद स्मृति स्थानीय तह मकवानपुर फुटबल प्रतियोगितामा सेमिफाइनल प्रवेश गरेको छ । आयोजकको मकवानपुर–११ लाई आइतबार टाइब्रेकरमा ४–२ ले पराजित गर्दै बागमतीले अन्तिम चार पुगेको हो । हेटौंडा–६ स्थित गौरीटार रंगशालामा निर्धारित समय खेल २–२ को बराबरीमा सकिएपछि खेल टाइब्रेकरमा गएको थियो । टाइब्रेकरमा बागमतीका लागि सिर्जन […]

408 views

0 Bookmark

मकवानपुर (हाम्रो खेलकुद) – बागमती युथ क्लब छैटौं सहिद स्मृति स्थानीय तह मकवानपुर फुटबल प्रतियोगितामा सेमिफाइनल प्रवेश गरेको छ । आयोजकको मकवानपुर–११ लाई आइतबार टाइब्रेकरमा ४–२ ले पराजित गर्दै बागमतीले अन्तिम चार पुगेको हो ।

हेटौंडा–६ स्थित गौरीटार रंगशालामा निर्धारित समय खेल २–२ को बराबरीमा सकिएपछि खेल टाइब्रेकरमा गएको थियो । टाइब्रेकरमा बागमतीका लागि सिर्जन गौतम, आयुष रानामगर, निर्मल बल र अनिल मगरले गोल गरे । आयोजकका तर्फबाट अञ्जन विष्ट र स्टेफन समिरले गोल गरे । मकवानपुरका अमित तामाङको प्रहार बाहिरिएको थियो ।

बागमतीका गोलकिपर रोनक चौलाागाईंले आयोजकको सुरजज्यू ठकुरीको पेनाल्टी रोकेका थिए । रोनक म्यान अफ दी म्याच भए र उनले १० हजार रुपैयाँ प्राप्त गरे । प्रतियोगितामा सोमबार त्रिभुवन आर्मी क्लब र राजारानी क्लब धनकुटाबीच तेस्रो क्वार्टरफाइनल खेल हुनेछ ।

माघ २७ गतेसम्म सञ्चालन हुने प्रतियोगिताको विजेताले १५ लाख र दोस्रो हुने टोलीले १० लाख रुपैयाँ प्राप्त गर्नेछ । सर्वोत्कृष्ट खेलाडीले बुलेट बाइक तथा विधागत उत्कृष्ट खेलाडी तथा प्रशिक्षकले समान २५ हजार रुपैयाँ प्राप्त गर्नेछन् ।

मकवानपुर जिल्ला फुटबल संघको आयोजनामा बागमती प्रदेश खेलकुद विकास परिषद्, सामाजिक विकास मन्त्रालय, हेटौँडा उपमहानगरपालिकासहित मकवानपुरका १० वटै स्थानीय तहको सहयोगमा प्रतियोगिता भएको हो ।

February 25, 2024

म्यानचेस्टर सिटी र आर्सनलको‌ जित

एजेन्सी – इंग्लिस प्रिमियर लिगमा उपाधि दौडमा रहेका म्यानचेस्टर सिटी र आर्सनल शनिबार विजयी भएका छन् । सिटीले फिल फोडेनको गोलमा बर्नमाउथलाई १-० ले पराजित गरेको छ । उनले २४ औं मिनेटमा गोल गरे । आर्सनलले न्युकासल युनाइटेडलाई ४-१ ले पराजित गर्यो । स्भेन बुटमनले १८औं मिनेटमा आत्मघाती गोल गरेपछि आर्सनलले अग्रता लियो। काइ हाभार्टले […]

February 25, 2024

नेपाल समूह विजेता बन्दै सेमिफाइनलमा

काठमाडौं (हाम्रो खेलकुद) – नेपाली राष्ट्रिय महिला फुटबल टोली समूह विजेता बन्दै वाफ महिला च्याम्पियनसिप २०२४ को सेमिफाइनलमा प्रवेश गरेको छ । शनिबार समूह चरणको अन्तिम खेलमा प्यालेस्टाइनलाई ४-० को फराकिलो अन्तरले पराजित गर्दै नेपालले समूहको शीर्षस्थानमा रहेर अन्तिम चारको यात्रा पक्का गरेको हो । नेपाल लगातार तेस्रो जितका साथ ९ अंक जोड्दै शीर्षस्थानमा रह्यो […]

February 24, 2024

साम्बाको गोलमा नेपाललाई अग्रता

काठमाडौं (हाम्रो खेलकुद) – फरवार्ड सावित्रा भण्डारीको गोलमा नेपालले वाफ महिला च्याम्पियनसिप २०२४ अन्तर्गत समूहको अन्तिम खेलमा प्यालेस्टाइनविरुद्ध अग्रता लिएको छ । समूह चरणको अन्तिम खेलमा नेपालले १-० को अग्रता लिएको छ । साम्बाले पहिलो हाफको ४१ औं मिनेटमा गोल गरेकी हुन् । रेखा पौडेलको पासलाई उनले पहिलो टचमै गोलमा परिणत गरेकी थिइन् । आजको […]

Success

Thank you for your time.