default_image

3 weeks ago

February 5, 2024

आहा गोल्डकप जितेको दुई दिनमा आर्मी पराजित

हेटौंडा (हाम्रो खेलकुद)– आहा रारा गोल्ड पोखरा गोल्ड कपको च्याम्पियन बनेको दुई दिनपछि त्रिभुवन आर्मी फुटबल क्लब छैटौं सहिद स्मृति स्थानिय तह मकवानपुर फुटबल प्रतियोगिताको पहिलो खेलमै पराजित भएको छ । आर्मी सोमबारको खेलमा धनकुटाको राजारानी क्लबसँग सडन डेथमा पराजित हुँदै प्रतियोगिताबाट बाहिरिएको थियो । राजारानी सेमिफाइनल पुगेको छ । थ्री स्टार क्लबलाई शनिबार फाइनलमा […]

3595 views

0 Bookmark

हेटौंडा (हाम्रो खेलकुद)– आहा रारा गोल्ड पोखरा गोल्ड कपको च्याम्पियन बनेको दुई दिनपछि त्रिभुवन आर्मी फुटबल क्लब छैटौं सहिद स्मृति स्थानिय तह मकवानपुर फुटबल प्रतियोगिताको पहिलो खेलमै पराजित भएको छ ।

आर्मी सोमबारको खेलमा धनकुटाको राजारानी क्लबसँग सडन डेथमा पराजित हुँदै प्रतियोगिताबाट बाहिरिएको थियो । राजारानी सेमिफाइनल पुगेको छ । थ्री स्टार क्लबलाई शनिबार फाइनलमा ३-० ले हराउँदै पहिलो पटक आहा रारा गोल्डकप जितेको आर्मी त्यसपछि हेटौंडा पुगेको थियो ।

सोमबार निर्धारित समय १–१ र टाइब्रेकरमा ३–३ को बराबरीपछि भएको सडन डेथमा राजारानीले बाजी मारेको थियो । सडन डेथमा राजारानीका गोलकिपर दीप कार्की नायक बने । उनले आर्मीका सिद्धान्त चौधरीको पेनाल्टी रोकेका थिए ।

सडन डेथमा राजारानीका लागि प्रवेश दनुवार र उमेश कार्कीले गोल गरे । आर्मीका लागि विमल पाण्डेले मात्र गोल गर्न सके ।
त्यसअघि टाइब्रेकरमा राजारानीका विशाल घलान, रुपेश केसी र गोलकिपर दीपले गोल गरे । सुनिल खड्का र अशोक खवास गोल गर्न चुके । पेनाल्टीमा आर्मीका जितेन्द्र कार्की, कमल थापा र रसबहादुर मगरले गोल गरे । बसन्त जिम्बा र श्रीराम चौधरी गोल गर्न असफल भए ।

हेटौंडा–६, गौरीटारमा भएको खेलको ११ औं मिनेटमा रसबहादुरको गोलबाट आर्मीले अग्रता लिएको थियो । खेलको अन्त्यतिर आर्मी सम्हालिन नसक्दा खेल टाइब्रेकरमा गएको थियो । अजायी मार्टिनले ८४ औं मिनेटमा हेडमार्फत गोल गर्दै राजारानीलाई खेलमा फर्काएका थिए । खेललाई बराबरीमा ल्याएका थिए । राजारानीका गोलकिपर दीप म्यान अफ दी म्याच बने र उनले १० हजार रुपैयाँ प्राप्त गरे ।

राजारानीले सेमिफाइनलमा एनआरटीको सामना गर्नेछ । जिल्ला फुटबल संघ मकवानपुरको आयोजनामा जारी प्रतियोगिता मंगलबार थ्री स्टार र सशस्त्र प्रहरीको एपीएफ क्लबबीच प्रतिस्पर्धा हुनेछ ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.