default_image

3 weeks ago

February 7, 2024

पाडाजुँगीको आदिवासी रंगशालाको निर्माण कार्य पुनः सुरु

हिमाल खरेल, बिर्तामोड नाममा विवाद आएपछि बजेट आएर पनि निर्माण कार्य रोकिएको झापाको कमल गाउँपालिकाको पाडाजुँगीमा रहेको आदिवासी रंगशालाको काम पुनः सुरु भएको छ । रंगशाला समितिका महासचिव दिपेनवाला राईका अनुसार राष्ट्रिय खेलकुद परिषदमार्फत यस वर्ष एक करोड रुपैयाँ बजेट विनियोजन भएपछि रंगशालाको काम थालिएको हो । रंगशाला निर्माणका लागि परिषदको ७६ लाख ९२ हजार […]

212 views

0 Bookmark

हिमाल खरेल, बिर्तामोड

नाममा विवाद आएपछि बजेट आएर पनि निर्माण कार्य रोकिएको झापाको कमल गाउँपालिकाको पाडाजुँगीमा रहेको आदिवासी रंगशालाको काम पुनः सुरु भएको छ ।

रंगशाला समितिका महासचिव दिपेनवाला राईका अनुसार राष्ट्रिय खेलकुद परिषदमार्फत यस वर्ष एक करोड रुपैयाँ बजेट विनियोजन भएपछि रंगशालाको काम थालिएको हो ।

रंगशाला निर्माणका लागि परिषदको ७६ लाख ९२ हजार ६९२ रुपैयाँ र उपभोक्ताको ८ लाख ५४ हजार ६९२ रुपैयाँ गरी कुल ८५ लाख ४६ हजार ९२८ रुपैयाँको बजेटबाट ३ सय मिटर लामो कम्पाउन्ड वाल निर्माण गरिने उनले जानकारी दिए ।

उपभोक्ता समितिले माघ १८ बाट सुरु भई २०८२ जेठ १५ गतेभित्रमा योजनाअनुसार काम सम्पन्न गर्ने सम्झौतामा उल्लेख छ ।

निर्माण कार्यलाई प्रभावकारी बनाउन उपभोक्ता समितिले साताको शनिबार स्थानीयलाई श्रमदान गर्नेगरी काम अघि बढाउने रंगशालाका अध्यक्ष समेत रहेका कमल गाउँपालिकाका अध्यक्ष हुकुमसिंह राईले बताए ।

आज रंगशालामा परिसरमा संक्षिप्त कार्यक्रम गरी निर्माण कार्य औपचारिक रुपमा सुरु गरिएको हो । अध्यक्ष राईले आदिवासी रंगशालाको कामले अब गति लिने विश्वास व्यक्त गरे ।

रंगशालाको अगुवाई स्थानीय आदिवासी रंगशाला तथा स्मृति प्रतिष्ठानले गर्दै आएको छ । वर्षोदेखिको आदिवासी, जनजातिको पितृको चिहान २०६६ सालमा भत्काएर आदिवासी रंगशाला निर्माण गर्न स्थानीय स्तरमा सहमति भएको थियो ।

तर ,पछिल्ला केही वर्ष भने रंगशालाको नाममा विवाद बनेपछि रंगशालामा सरकारी बजेट प्राप्त हुन नसक्दा निर्माण कार्य रोकिएको थियो ।

सरकारले रंगशालामा बजेट उपलब्ध नगराउँदा रंगशालाको कामले गति लिन सकेको थिएन । रंगशालाको कामका लागि विभिन्न आर्थिक वर्षमा ४ करोड रुपैयाँभन्दा बढी बजेट विनियोजन भए पनि बजेट पूर्ण रुपमा कार्यान्वयन हुन नसक्दा रंगशाला ओझेलमा परेको थियो ।

केपी शर्मा ओली सरकारको पालामा आदिवासी रंगशाला तथा स्मृति पार्कको सट्टा मदन भण्डारी स्मृति रंगशालाको नाममा बजेट विनियोजन गरिएपछि काम हुन सकेको थिएन ।

February 28, 2024

प्रितीको विजयी गोल फिजियो नविनालाई समर्पण

काठमाडौं (हाम्रो खेलकुद) – स्टार मिडफिल्डर प्रिती राईले वाफ च्याम्पियनसिप २०२४ को सेमिफाइनलमा गरेको विजयी गोल फिजियोथेरापिस्ट नविना श्रेष्ठ वैद्यलाई समर्पित गरेकी छिन् । लेवनानविरुद्ध दोस्रो हाफको इन्ज्युरी समयमा प्रितीले पेनाल्टी क्षेत्र बाहिरबाट सानदार गोल गर्दै नेपालको २-१ को जित पक्का गरेकी थिइन् । उनकै गोलमा नेपालले फाइनलमा स्थान बनाएको थियो । खेलपछि बोल्दै प्रितीले […]

February 28, 2024

साम्बाले फाइनल खेल्ने अन्यौलमा!

काठमाडौं (हाम्रो खेलकुद) – नेपाली महिला राष्ट्रिय टोलीले वाफ च्याम्पियनसिप २०२४ को फाइनलमा स्थान बनाउँदा स्टार फरवार्ड सावित्रा भण्डारी साम्बाले खेल्ने-नखेल्ने अन्यौल रहेको छ । नेपालले मंगलबार सम्पन्न सेमिफाइनलमा लेवनानलाई २-१ ले पराजित गर्दै फाइनलमा स्थान बनाएको हो । उक्त खेलमा नेपालका लागि बराबरी गोल समेत गरेकी साम्बा फाइनलमा भने अनुपस्थित रहने सम्भावना छ । […]

February 28, 2024

अन्तिम समयमा प्रितीको गोलसँगै नेपाल फाइनलमा

काठमाडौं (हाम्रो खेलकुद) – इन्ज्युरी समयमा प्रिती राईले उत्कृष्ट गोलसँगै नेपाल लेबनान विरुद्ध पुनरागमन जित दर्ता गर्दै पश्चिम एसियाली फुटबल एसोसिएसन (वाफ) महिला च्याम्पियनसिपको फाइनल प्रवेश गरेको छ । साउदी अरेबियामा जारी प्रतियोगितामा मंगलबार पहिलो हाफमा १-० ले पछि परेको अवस्था उल्ट्याउँदै नेपालले प्रितीको गोलमा २-१ को नाटकीय जित दर्ता गरेको हो । खेल १-१ […]

Success

Thank you for your time.