default_image

4 months ago

February 13, 2024

बागमती गोल्डकपमा मछिन्द्रको विजयी सुरुवात

2871 views

0 Bookmark


हेटौंडा (हाम्रो खेलकुद) – ए डिभिजन टोली मछिन्द्र क्लबले बागमती गोल्ड कप राष्ट्रिय फुटबल प्रतियोगितामा विजयी सुरुवात गरेको छ । मकवानपुरको बागमती गाँउपालिका ८ को जनता माविमा मंगलबार भएको उद्घाटन खेलमा मछिन्द्रले सर्लाहीको बागमती युथ क्लबलाई ५–२ ले हराएको छ ।

मछिन्द्रका लागि हिसुब थपलिया, अभिषेक गुरुङ, क्रिस्टोफर चिजोवा, सौरव लिम्बु र विमल घर्तीमगरले गोल गरेका थिए । बागमतीका लागि सुजन चौधरी र सुजन गौतमले गोल गरे ।

हिसुबले पहिलो मिनेटमै गोल गरेर मछिन्द्रलाई अग्रता दिलाए । उनले विमलको पासमा गोल गरेका हुन् । अभिषेकले ४३ औं मिनेटमा गोल गरेपछि मछिन्द्रले पहिलो हाफमै २-० को अग्रता बनायो । क्रिष्टोफरले ५६ औं र सौरव लिम्बुले ७९ औं मिनेटमा गोल गरेपछि मछिन्द्र ४–० ले अगाडि लाग्यो ।

बागमतीका लागि सुजन चौधरीले ८१ औं र सुजन गौतमले ८३ औं मिनेटमा गोल गर्दै खेललाई ४–२ को अवस्थामा ल्याए । खेल सकिन ४ मिनेट बाँकी रहँदा विमलले गोल गर्दै टोलीको जित निश्चत गरे । म्यान अफ दी म्याच विमलले १० हजार रुपैयाँ प्राप्त गरे । मछिन्द्रले फागनु ५ गते अर्को ए डिभजन टोली जावलाखेल युथ क्लबको सामना गर्नेछ ।

बागमती प्रदेश सभाका सदस्य प्रेम बहादुर पुलामीले प्रतियोगिता उद्घाटन गरेका थिए । प्रतियोगिता बुधबार आयोजक बागमती खेलकुद विकास समिति र ए डिभिजन क्लब हिमालयन शेर्पाबीच प्रतिस्पर्धा हुनेछ । हिमालयन शेर्पा तेस्रो संस्करणको उपविजेतासमेत हो ।

प्रतियोगितामा ए डिभिजनका ६ र अन्य गरि १० टोलीको सहभागिता छ । प्रतियोगिताको विजेता टोलीले १० लाख र दास्रो हुने टोलीले ५ लाख रुपैयाँ प्राप्त गर्नेछन् । प्रतियोगिताको सर्वोत्कृष्ट खेलाडीले १ लाख १ हजार रुपैयाँ तथा विधागत उत्कृष्ट खेलाडीले समान २५ हजार रुपैयाँ प्राप्त गर्नेछन् ।

आयोजक बागमती खेलकुद विकास समितीका अध्यक्ष टिकालाल श्रेष्ठको सभाध्यक्षतामा भएको उद्घाटन कार्यक्रममा जिल्ला समन्वय समिति मकवानपुरका प्रमुख ललित घलान, बागमती गाउँपालिकाका अध्यक्ष सर्केश घलान, अखिल नेपाल फुटबल संघका केन्द्रीय सदस्य तथा मकवानपुर जिल्ला फुटबल संघका अध्यक्ष टिका लामा, जिल्ला खेलकुद विकास समिति मकवानपुुरका कार्यालय प्रमुख माधव कोइराला, मकवानपुर जिल्ला फुटबल संघका वरिष्ठ उपाध्यक्ष अरुण बल लगायतको उपस्थिति थियो ।

June 13, 2024

यु-२० एशियन कप: नेपाल समूह ‘बी’ मा  

काठमाडौं (हाम्रो खेलकुद) – नेपाल एएफसी यू–२० एसियन कप २०२५ छनोटको समूह ‘बी’ मा परेको छ । एएफसीको मुख्यालय क्वालालम्पुरमा बुधबार भएको ड्र समारोहमा नेपाल समूह बी मा परेको हो । नेपालको समूहमा उज्वेकिस्तान, बहराइन, चाइनिज ताइपेई र कम्बोडिया रहेका छन् । नेपालको समूहका खेलहरू सेप्टेम्बरमा चाइनिज ताइपेईमा हुनेछन् । नेपाली टोलीले छनोट खेल्न अघि […]

June 13, 2024

नेपाल, जापान र कतार एउटै समूहमा

काठमाडौं (हाम्रो खेलकुद) – एएफसी यु-१७ एसियन कप छनोटमा नेपाल एसियाली महारथी जापान र कतारसँगै एकै समूहमा परेको छ । बिहीबार भएको ड्र पछि नेपाल छनोटको समुह एफ मा परेको हो । समूहमा नेपालसँगै जापान र कतार बाहेक मंगोलिया रहेको छ । यस समुहका सबै खेल कतारले आयोजना गर्नेछ । छनोटका खेल आउँदो अक्टोबर महिनामा […]

June 12, 2024

यु-२० साफ: उद्दघाटन खेलमा नेपालले श्रीलंकाविरुद्ध खेल्ने

काठमाडौं (हाम्रो खेलकुद) – नेपालमा आउँदो अगस्ट १६ देखि २८ सम्म हुने साफ यु-२० पुरुष च्याम्पियनसिपको उद्दघाटन खेलमा नेपालले श्रीलंकाविरुद्ध खेल्ने भएको छ । दक्षिण एसियाली फुटबल महासंघ (साफ) ले बुधवार सार्वजनिक गरेको तालिकामा नेपालले उद्दघाटन खेलमा श्रीलंका विरुद्ध खेल्ने भएको हो । समूह ए मा रहेको नेपालले दोस्रो खेल पाकिस्तान विरुद्ध अगस्ट १९ मा […]

Success

Thank you for your time.