default_image

2 months ago

February 14, 2024

आयोजक बागमतीसँग हिमालयन शेर्पा स्तब्ध

हेटौंडा (हाम्रो खेलकुद)- बागमती गोल्डकप राष्ट्रिय फुटबल प्रतियोगितामा आयोजक टोलीले विजयी सुरुवात गरेको छ । मकवानपुरको बागमती–८ स्थित जनता माविको खेल मैदानमा बुधबार ए डिभिजन टोली हिमालयन शेर्पा क्लबलाई टाइब्रेकरमा ५–४ गोलले हराउँदै आयोजक बागमतीले विजयी सुरुवात गरेको हो । टाइब्रेकरमा बागमतीका लागि एलिस महर्जन, प्रितम स्याङ्बो, सामेल सुनार, रोशन दोङ र अमर पाख्रिनले गोल […]

1101 views

0 Bookmark

हेटौंडा (हाम्रो खेलकुद)- बागमती गोल्डकप राष्ट्रिय फुटबल प्रतियोगितामा आयोजक टोलीले विजयी सुरुवात गरेको छ ।

मकवानपुरको बागमती–८ स्थित जनता माविको खेल मैदानमा बुधबार ए डिभिजन टोली हिमालयन शेर्पा क्लबलाई टाइब्रेकरमा ५–४ गोलले हराउँदै आयोजक बागमतीले विजयी सुरुवात गरेको हो ।

टाइब्रेकरमा बागमतीका लागि एलिस महर्जन, प्रितम स्याङ्बो, सामेल सुनार, रोशन दोङ र अमर पाख्रिनले गोल गरे ।

त्यस्तै हिमालयनका लागि दिवस उरौ, सत्यम शर्मा, धिरज थपलिया र विदेशी खेलाडी आब्मे फाकुलाइनले गोल गरे । हिमालयनका सन्दीप श्रेष्ठको प्रहार बागमतीका गोलरक्षक पवन आले मगरले रोके ।

निर्धारित समयमा १–१ को बराबरी टुंगिएपछि खेल टाइब्रेकरमा गएको थियो ।

एलिस चौलागाईले ४७औं मिनेटमा गरेको गोल
बाट आयोजक टोलीले अग्रता लिएको थियो। हिमालयन शेर्पाका सन्दीप श्रेष्ठले खेलको ९० औं मिनेटमा पेनाल्टी मार्फत गोल गर्दै खेललाई‌ बराबरीमा पुर्याएका थिए।
बागमतीका गोलरक्षक उमेश पाख्रिनले ९० औँ मिनेटमा दोहोरो पहेंलो कार्डको सामना गर्दै मैदान छाडेका थिए । त्यही अवसरलाई सदुपोग गर्दै सन्दीपले पेनाल्टीमार्फत गोल गरेका हुन् ।

बागमतीका एलिस खेलको म्यान अफ द म्याच घोषित भए र उनले १० हजार रुपैयाँ प्राप्त गरे ।

आयोजकले क्वाटरफाइनलमा फागुन ६ गते विभागीय क्लब त्रिभुवन आर्मी फुटबल क्लबसँग प्रतिस्पर्धा गर्नेछ ।
प्रतियोगितामा बिहीबारको सिमराको नवजनजागृती युवा क्लब र ए डिभिजन टोली एनआरटीबीच प्रतिस्धर्पा हुनेछ ।

प्रतियोगिताको विजेताले १० लाख र दोस्रो हुने टोलीले ५ लाख रुपैयाँ प्राप्त गर्नेछन् । प्रतियोगिताको सर्वोत्कृष्ट खेलाडीले १ लाख १ हजार रुपैयाँ तथा विधागत उत्कृष्ट खेलाडीले समान २५ हजार रुपैयाँ प्राप्त गर्नेछन् ।

April 14, 2024

इंग्ल्यान्ड ‘सी’ सँग खेल्ने प्रारम्भिक टोलीमा २८ खेलाडी

काठमाडौ ( हाम्रो खेलकुद)- इंग्ल्यान्ड ‘सी’ विरुद्ध हुने मैत्रीपूर्ण खेलका लागि प्रारम्भिक टोलीको घोषणा भएको‌ छ। नेपाली राष्ट्रिय टोलीका मुख्य प्रशिक्षक भिन्सेन्जो अल्बर्टो एनिसले आइतबार २८ सदस्यीय प्रारम्भिक टोली घोषणा गरेको अखिल नेपाल फुटबल संघ (एन्फा) ले सामाजिक सन्जाल मार्फत जानकारी दिएको छ। अल्डरसट टाउन एफसीको रंगशाला इबिबीमा वैशाख २४ गते बीच मैत्रीपूर्ण फुटबल हुनेछ।  […]

April 14, 2024

क्यासी स्पोर्टसलाई यु १३ फुटबल उपाधि

गोरखा (हाम्रो खेलकुद)- क्यासी स्पोर्टस् एकेडेमी यु-१३ राष्ट्रिय फुटबल प्रतियोगिताको उपाधि जितेको छ । द ओसन क्लबको आयोजनामा गोरखा नगरपालिका–९ स्थित एस्ट्रो टर्फमा शनिबार थ्री स्टार क्लबलाई पेनाल्टी सुट आउटमा ३-२ ले हराउँदै क्यासी च्याम्पियन बनेको हो ।निर्धारित समयमा १–१ को बराबरी भए पछि खेल पेलान्टी सुटआउटमा गएको थियो । क्यासी २० हजार रुपैयाँ, ट्रफी […]

April 14, 2024

ब्रुनोको दुई गोलमा युनाइटेड हारबाट जोगियो

एजेन्सी – कप्तान तथा मिडफिल्डर ब्रुनो फर्नान्डेसले दुई गोल गरेपछि म्यानचेस्टर युनाइटेड इंग्लिस प्रिमियर लिगमा हारबाट जोगिएको छ । खेलमा दुईपटक पछि परेको स्थितिमा ब्रुनोले दुई गोल गरेपछि युनाइटेडले घरेलु टोली बर्नमाउथसँग २–२ गोलको बराबरी खेलेको हो । बर्नमाउथका डोमिनिक सोलांके र जस्टिन क्लुइभर्टले गोल गरेपनि जित निकाल्न सकेन । बर्नमाउथमा शनिबार राति भएको खेलको […]

Success

Thank you for your time.