काठमाडौं (हाम्रो खेलकुद)– आयोजक नेपाल एपिएफ स्कुल कीर्तिपुर (क), सल्लाघारीको सैनिक आवासीय महाविद्यालय र साँगाको नेपाल पुलिस स्कुल अन्तर विद्यालय सशस्त्र प्रहरी महानिरीक्षक रनिङ्ग ट्रफी फुटबल प्रतियोगिताको सेमिफाइनलमा पुगेका छन् ।

योसँगै प्रतियोगिताको सेमिफाइनल सेमीकरण पूरा भएको छ । जोरपाटीको मनकामना सेकेण्डरी स्कुल बुधबार नै प्रतियोगिताको अन्तिम चारमा पुगेको थियो ।

बिहीबार क्वार्टरफाइनलमा पुलिस स्कलुले आयोजक एपिएफ (ख) लाई १–० ले हराएको थियो । प्रशान्त मोक्तानको गोलमा पुलिस स्कुलले जित हािसल गरेको थियो । पुलिसका निश्चल मगर म्यान दी म्याच चुनिए ।

अर्को खेलमा सैनिक महाविद्यालय कीतिपुरको लेबोरेटरी माविलाई ७–० को फराकिलो अन्तरले पराजित गरेको थियो । सैनिक महाविद्यालयका डिग विजय शाहीले ह्याट्रिक गरेका थिए भने रोहित श्रेष्ठ २ र सन्दिप शर्माले १ गोल गरेका थिए । १ गोल आत्मघाती भएको थियो । सैनिकका रोहित श्रेष्ठ म्यान अफ दी म्याच घोषित भए ।

आयोजक एपिएफ (क) ले जोरपाटीको नेपालय इग्लिस पब्लिक स्कुललाई ६–० फराकिलो अन्तरले हराएको थियो । एपिएफका तेन्जिङ शेर्पा, विवेक पश्चिमा थारु र रोहित गोलेले समान २ गोल गरेका थिए । एपिएफका दिपेश गुरुङ म्यान अफ दी म्याच चुनिए ।

प्रतियोगितामा शनिबार एपीएफ(क) र मनकामना तथा पुलिस स्कुल र सैनिक आवासीयबीच सेमिफाइनल खेल हुनेछ ।