default_image

2 months ago

February 19, 2024

राष्ट्रिय टोलीका डिफेन्डर अन्जन अष्ट्रेलिया तर्फ

काठमाडौं (हाम्रो खेलकुद) – नेपाल राष्ट्रिय टोलीका डिफेन्डर अन्जन राई पनि घरेलु फुटबल छाडी अष्ट्रेलिया भासिएका फुटबलरको सूचीमा थपिएका छन् । सोमबार अष्ट्रेलियाका लागि प्रस्थान गर्दै उनले घरेलु फुटबललाई हालका लागि बिट मारेका छन् । पछिल्लो समय राष्ट्रिय टोलीका नियमित सदस्य रहेका उनले गत नोभेम्बरमा युएई विरुद्ध विश्वकप छनोटको खेलमा डेब्यु गरेका थिए । नेपाल […]

3650 views

0 Bookmark

काठमाडौं (हाम्रो खेलकुद) – नेपाल राष्ट्रिय टोलीका डिफेन्डर अन्जन राई पनि घरेलु फुटबल छाडी अष्ट्रेलिया भासिएका फुटबलरको सूचीमा थपिएका छन् । सोमबार अष्ट्रेलियाका लागि प्रस्थान गर्दै उनले घरेलु फुटबललाई हालका लागि बिट मारेका छन् ।

पछिल्लो समय राष्ट्रिय टोलीका नियमित सदस्य रहेका उनले गत नोभेम्बरमा युएई विरुद्ध विश्वकप छनोटको खेलमा डेब्यु गरेका थिए ।

नेपाल पुलिस क्लब बाट ए डिभिजन लिग खेल्दै आएका उनले गत सिजन पुलिसले तेस्रो स्थान हासिल गर्दा अहम भूमिका निभाएका थिए । रक्षापंक्तिमा उनको योगदान बाहेक उनले लिगमा ३ गोल समेत गरेका थिए ।

नेपाल सुपर लिगमा भने उनले दुबै संस्करणमा काठमाडौं रेजर्सको प्रतिनिधित्व गर्दै पहिलो संस्करणको उपाधि विजेता टोलीमा सामेल थिए । उनले दोस्रो संस्करणका केही खेलमा टोलीको कप्तानी समेत गरेका थिए ।

एनएसएल सकिएसँगै एन्फाले फुटबल क्यालेन्डर सार्वजनिक गर्न नसक्दा खेलाडीको विदेशिने क्रमले फेरि गति लिएको छ । ए डिभिजन लिग सकिएपनि बी र सी डिभिजन लिग सुरु हुन सकेको छैन । त्यसैले नयाँ सिजन सुरु नहुने पक्का हुँदा खेलाडीमा वितृष्णा बढेको हो । अझै दर्जन बढी राष्ट्रिय टोली र उमेर समूह खेलेका खेलाडीले विदेश जाने प्रक्रियामा रहेको बुझिएको छ ।

पलायनको समस्या खेलाडीबाट अफिसियलतर्फ पनि बढ्न थालेको छ । राष्ट्रिय र बहालवाला फिफा रेफ्री नै विदेशिने विगत पुन: दोहोरिने डर बढेको छ । नेपालका केहि सक्रिय रेफ्री पनि विदेश जाने प्रक्रियामा लागेका छन् ।

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

April 18, 2024

सिटीलाई हराउँदै रियल च्याम्पियन्स लिगको सेमिफाइनलमा

एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]

Success

Thank you for your time.