default_image

2 months ago

February 24, 2024

नेपालको टोलीमा एक परिवर्तन

काठमाडौं (हाम्रो खेलकुद) – पश्चिम एशिया फुटबल एसोसिएसन (वाफ) महिला च्याम्पियनसिप अन्तर्गत समूहको अन्तिम खेलमा प्यालेस्टाइनविरुद्ध नेपालले एक परिवर्तन गरेको छ । खेल नेपाली समय अनुसार १०:४५ बजे किंग अब्दुल्लाह स्पोर्ट्स सिटी रिजर्व स्टेडियममा सुरु हुनेछ । प्रशिक्षक राजेन्द्र तामाङले पछिल्लो खेलबाट दिपा शाहीलाई विश्राम दिंदै अनिता केसीलाई सुरुवाती रोजाइमा खेलाएका छन् । आक्रमणमा सावित्रा […]

8057 views

0 Bookmark

काठमाडौं (हाम्रो खेलकुद) – पश्चिम एशिया फुटबल एसोसिएसन (वाफ) महिला च्याम्पियनसिप अन्तर्गत समूहको अन्तिम खेलमा प्यालेस्टाइनविरुद्ध नेपालले एक परिवर्तन गरेको छ । खेल नेपाली समय अनुसार १०:४५ बजे किंग अब्दुल्लाह स्पोर्ट्स सिटी रिजर्व स्टेडियममा सुरु हुनेछ ।

प्रशिक्षक राजेन्द्र तामाङले पछिल्लो खेलबाट दिपा शाहीलाई विश्राम दिंदै अनिता केसीलाई सुरुवाती रोजाइमा खेलाएका छन् । आक्रमणमा सावित्रा भण्डारीलाई साथ दिन रेखा पौडेल, अनिता बस्नेत र अमिषा कार्की छन् । मिडफिल्डमा प्रिती राई र अनिता केसी खेल्दैछन् । डिफेन्समा पुजा राना, अमृता जैशी, हिरा भुजेल र गीता राना छन् । एन्जिला तुम्बापो सुब्बा कप्तान तथा गोलरक्षकमा छिन् ।

दुवै टोलीको समान दुई खेलमा २-२ जित सहित ६-६ अंक छ । आजको विजेताले समूह विजेता भई सेमीफाइनलको यात्रा तय गर्ने छ । खेल बराबरीमा सकिएमा नेपालले समूह विजेता भई अर्को समूहको उपविजेता लेवनानविरुद्ध फाइनल प्रवेशका लागि खेल्नेछ ।

नेपालले समूह चरणको पहिलो खेलमा सिरिया माथि ४-१ को सानदार जित हात पारेको थियो । नेपालको जितमा अमिषा कार्की, सावित्रा भण्डारी, रेखा पौडेल र अनिता बस्नेतले समान एक एक गोल गरेका थिए । यस्तै दोस्रो खेलमा नेपालले इराकलाई ५-० ले हराएको थियो । खेलको पाँच गोल नै साम्बाले गरेकी थिइन् ।

प्यालेस्टाइनले पहिलो खेलमा इराक विरुद्ध ३-० को जित निकालेको थियो भने दोस्रो खेलमा सिरियालाई १-० ले हराएको थियो ।

समूह ए बाट जोर्डन ९ अंकसहित समूह विजेता बनिसकेको छ । लेवनान ६ अंक जोड्दै उपविजेताको रुपमा अन्तिम चारमा पुगेको छ ।

April 16, 2024

पुलिस जीतपुरसिमरा गोल्डकप च्याम्पियन

सुनिल गाउँले, सिमरा नेपाल पुलिस क्लबले जगदम्बा स्टिल १४ औं जीतपुरसिमरा गोल्डकप फुटबल प्रतियोगिताको उपाधि जितेको छ । सिमरा रंगशालामा सोमबार भएको प्रतिस्पर्धात्मक फाइनल खेलमा मच्छिन्द्र क्लबलाई टाइब्रेकरमा ४–३ ले हराउँदै पुलिसले वर्षको पहिलो उपाधि जितेको छ । निर्धारित ९० मिनेट र थप समय गोलरहित बराबरीमा टुंगिएपछि टाइब्रेकरमा पुलिसले बाजी मारेको थियो । परिवर्तित गोलकिपर […]

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

Success

Thank you for your time.