default_image

2 months ago

February 26, 2024

अर्को वर्ष ए डिभिजन लिग डबल राउन्डमा हुने

काठममाडौं (हाम्रो खेलकुद) – घरेलु फुटबलको माथिल्लो स्तरको सहिद स्मारक ए डिभिजन लिग अर्को वर्ष मात्र आयोजना हुने भएको छ । यो वर्ष बी र सी डिभिजन आयोजना गर्न असफल भएको अखिल नेपाल फुटबल संघ (एन्फा) को सोमबार बसेको साधारण सभाले अर्को वर्षको क्यालेन्डर पारित गरेको प्रवक्ता सरेश शाहले पत्रकार सम्मेलनमार्फत जानकारी दिए । एन्फाले […]

1071 views

0 Bookmark

काठममाडौं (हाम्रो खेलकुद) – घरेलु फुटबलको माथिल्लो स्तरको सहिद स्मारक ए डिभिजन लिग अर्को वर्ष मात्र आयोजना हुने भएको छ ।

यो वर्ष बी र सी डिभिजन आयोजना गर्न असफल भएको अखिल नेपाल फुटबल संघ (एन्फा) को सोमबार बसेको साधारण सभाले अर्को वर्षको क्यालेन्डर पारित गरेको प्रवक्ता सरेश शाहले पत्रकार सम्मेलनमार्फत जानकारी दिए ।

एन्फाले २०८१ पुस १२ गतेदेखि आयोजना गर्ने क्यालेन्डरमा उल्लेख गरेको छ । ए डिभिजन लिग पुस १२ देखि २०८२ जेठ १५ गतेसम्म सञ्चालन हुनेछ । अबको ए डिभिजन लिग डबल राउन्ड रोविन लिगका आधारमा शुक्रबार, शनिबार र आइतबार समान २ खेल खेलाइने उल्लेख छ ।

पटक पटकको प्रयासमा पनि बी र सी डिभिजन आयोजना गर्न असफल एन्फाले अर्को महिनाबाट आयोजना गर्ने योजना बनाएको छ । क्यालेन्डर अनुसार सी डिभिजन लिग चैत २२ गते र बी डिभिजन लिग चैत २५ गतेबाट सुरु हुनेछ ।

एन्फाले अर्को वर्ष एन्फा यू १६ युथ लिग, जिल्ला लिग, यु २१ फुटबलस, यू १५ छात्रा छात्र फुटबल, ग्रास रुट लिग, प्रदेश लिग, एन्फा प्रेसिडेन्ट लिग, ललित स्मृति यु १८ युथ लिग र यु १८ महिला युथ लिग, ए डिभिजन फुटसल लिग आयोजना गर्ने उल्लेख गरेको छ ।

महिला लिग च्याम्पियनसिप दुई चरणमा आयोजना गर्ने गरि एन्फाले क्यालेन्डर तयार पारेको छ । पछिल्लो दुई वर्ष एन्फाले महिला फुटबलमा कुनै प्रतियोगिता गरेको छैन । प्रवक्ता शाहका अनुसार साधारण सभाले २०७९/८० को आयव्यय विवरण र २०८०/८१ आर्थिक वर्षका लागि ६७ करोड ६७ लाख ६६ हजार ६० रुपैयाँको अनुमानित बजेट पास गरेको छ ।

केन्द्रिय समितिका आधा भन्दा बढी पदाधिकारी र सदस्य उपस्थित नभएपनि सोमबार बसेको नियमित साधारण सभाले प्रस्तावित सबै विषयलाई पास गरेको थियो ।

एन्फाका वरिष्ठ उपाध्यक्ष वीरबहादुर खड्कासहित पदाधिकारी, सदस्य १० जना र बी डिभिजन लिग क्लबले बहिष्कार गरेको साधारण सभाको राष्ट्रिय खेलकुद परिषद्का सदस्य सचिव टंकलाल घिसिङले उद्घाटन गरेका थिए ।

केन्द्रिय कार्यसमितिले पास गरेको भन्दा बाहेकका विषयलाई साधारण सभाको विषय सुचीमा समावेश गरेको भन्दै केन्द्रिय समितिका १० जनाले वहिष्कार गरेका थिए । बी डिभिजन लिगका १४ क्लब भने यसपटकको साधारण सभाको प्रतिनिधि छनोटबाटै नै सहभागी भएन । एन्फाका १ सय ५ सदस्य संस्थाका मताधिकार प्राप्त ७७ मध्ये ७४ साधारण सभामा उपस्थित भएको शाहले बताएका थिए ।

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

April 20, 2024

माने चम्कँदा अल नासरको पूनरागमन जित

एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

Success

Thank you for your time.