default_image

2 months ago

March 2, 2024

आर्मी पहिलो पटक पाँचथर गोल्डकप च्याम्पियन

दिपक बोहरा,पाँचथर त्रिभुवन आर्मी फुटबल क्लब पहिलो पटक पाँचथर गोल्ड कप फुटबल प्रतियोगिताको च्याम्पियन बनेको छ । शनिबार आयोजक पाँचथर क्लबलाई ४-२ ले हराउँदै ए डिभिजन टोली आर्मीले उपाधि जितेको हो । २०७४ सालमा दशैं फाल्गुनन्द गोल्डकपमा उपविजेता बनेको आर्मी ६ वर्ष पछि विजेता बनेर फर्कदैछ । फिदिम माविको खेलमैदानमा आर्मीलाई जित दिलाउन कप्तान दिपकुमार […]

1222 views

0 Bookmark

दिपक बोहरा,पाँचथर

त्रिभुवन आर्मी फुटबल क्लब पहिलो पटक पाँचथर गोल्ड कप फुटबल प्रतियोगिताको च्याम्पियन बनेको छ ।

शनिबार आयोजक पाँचथर क्लबलाई ४-२ ले हराउँदै ए डिभिजन टोली आर्मीले उपाधि जितेको हो । २०७४ सालमा दशैं फाल्गुनन्द गोल्डकपमा उपविजेता बनेको आर्मी ६ वर्ष पछि विजेता बनेर फर्कदैछ ।

फिदिम माविको खेलमैदानमा आर्मीलाई जित दिलाउन कप्तान दिपकुमार लामाले २ , पदम तामाङ र सन्तोष केसी समान १ गोल गरे । पाँचथरका आशिष चापागाईं र प्रशान्त लक्समले गोल‌ गरे।

३१ औं मिनेटमा पेनाल्टी बक्समा कसैको निगरानीमा नरहेका पदमले फष्टबार च्याप्दै प्रहार गरेको बल पाँचथरका गोलकिपर मिराक खजुमले बचाउने क्रममा रिबाउन्ड हुँदा पदमलेनै गोल गरे।

खेलको ३९ औं मिनेटमा पाँचथरका दिनेश शेर्माको पासमा आशिषले बराबरी गोल फर्काए । ५२ औं मिनेटमा पाँचथरका प्रशान्तले गोल गर्दै पाँचथरलाई २- १ को अग्रता दिलाए ।

तर, पाँचथरको अग्रता लामो समय टिक्न सकेन । ५३ औं मिनेटमा आर्मीका सन्तोषले फ्रिकिक मार्फत गोल गर्दै खेलमा बराबरी गरे । डि एरिया बाहिर पाँचथरका आशिषले फाउल गरे पछि आर्मीले फ्रिकिक पाएको थियो ।

६१ औं मिनेट र ६९ औ मिनेटमा आर्मीका दिपले गोल गर्दै आर्मीको जित निश्चित पारे । आर्मीका‌ पदम फाइनल अफ दी म्याच घोषित भए र उनले ५ हजार रुपैयाँ प्राप्त गरे ।

प्रतियोगिताको उत्कृष्ट डिफेन्डर आर्मीका वसन्त तामाङ, उत्कृष्ट गोलकिपर आर्मीका नविन तामाङ , उत्कृष्ट मिड फिल्डर आर्मी रुपेश क्षेत्री, उत्कृष्ट प्रशिक्षक आर्मीका आर्दश मल्ल घोषित भए । उत्कृष्ट सबैले समान १० हजार प्राप्त गरे ।

प्रतियोगिताको सर्वोकृष्ट खेलाडी पाँचथरका रोशन आङदेम्बे बने । प्रतियोगिताको उदयमानी खेलाडी आयोजक पाँचथर क्लबका मनिष क्षेत्री बने । सर्वोकृष्ट खेलाडी र उदयमानी खेलाडी समान १५ हजार रुपैयाँ प्राप्त गरे ।

मुमिन नेम्बाङ खेलको फ्यान अफ दि म्याच भए ।खेलकुद विकास समिति पाँचथरका अध्यक्ष सन्तोष मोक्ताङ सुटआउट हिरो ( खेलमैदानको बिचबाट गोल गर्ने दर्शक) भए । दुवैले समान २ हजार ५ सय रुपैयाँ प्राप्त गरे ।

प्रतियोगिताका सबै खेल हेरेर ७२ वर्षिय नरेन्द्रकुमार सम्हाफे फ्यान अफ दि टुर्नामेन्ट बन्दै २ हजार ५ सय रुपैयाँ प्राप्त गरे ।

विजेता आर्मी उपाधि सहित ५ लाख ५ हजार र दोस्रो पाँचथरले २ लाख ५५ हजार रुपैयाँ प्राप्त गर्यो।

समापन समारोहमा पुख्यौली घर पाँचथर भएका यु २३ का खेलाडी प्रशान्त लक्समलाई दोसल्ला ओडाएर कोशी प्रदेशका मुख्यमन्त्री केदार कार्कीले सम्मान गरेका थिए । प्रतियोगितामा ८ टोलीको‌ सहभागिता थियो।

April 21, 2024

आर्सनल शीर्षस्थानमा

एजेन्सी – घरेलु टोली वल्भ्समाथि २–० काे सहज जित हात पार्दै लन्डन क्लब आर्सनल इंग्लिस प्रिमियर लिगको शीर्षस्थानमा उक्लिएको छ । आर्सनलले एक खेल कम खेलेको म्यानचेस्टर सिटी र लिभरपुललाई पछि पार्दै शीर्षस्थानमा उक्लन सफल भएको हो ।वल्भरह्याम्टनमा शनिबार राति भएको खेलमा आर्सनललाई जिताउन लियान्द्रो ट्रोससार्ड र मार्टिन ओडेगार्डले गोल गरे । पहिलो र दोस्रो […]

April 21, 2024

म्यानचेस्टर सिटी एफए कपको फाइनलमा

एजेन्सी – चेल्सीलाई हराउँदै साविक विजेता म्यानचेस्टर सिटी एफए कपको फाइनलमा प्रवेश गरेको छ । सिटीले शनिबार चेल्सी माथि १-० को झिनो जित निकाल्दै उपाधि भिडन्त पक्का गरेको हो । सिटीको जितमा बर्नार्डो सिल्भाले खेलको ८४औं मिनेटमा गरेको गोल नै निर्णायक बन्यो । केभिन डी ब्रुइनले बक्स भित्रबाट नै गरेको क्रस चेल्सी गोलरक्षक जोर्डजे पेट्रोभिचले […]

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

Success

Thank you for your time.