default_image

1 month ago

March 15, 2024

थप १० पदाधिकारी बहराइन पठाउन राखेपलाई एन्फाको पत्र

काठमाडौं (हाम्रो खेलकुद) – आफ्ना पदाधिकारी र अन्यलाई विना जिम्मेवारी वैदेशिक यात्रामा पठाउने अखिल नेपाल फुटबल संघ (एन्फा) को मनलाग्दी निर्णयलाई रोक्ने जिम्मेवारी अब राष्ट्रिय खेलकुद परिषद् (राखेप) नेतृत्व समक्ष पुगेको छ । फिफा विश्व कप छनोट तथा एएफसी एसियन कप छनोटका लागि बहराइन पठाउन स्वीकृतिका लागि एन्फाले बिहीबार राष्ट्रिय फुटबल टोलीसहित ४१ जनाको सुची […]

1216 views

0 Bookmark

काठमाडौं (हाम्रो खेलकुद) – आफ्ना पदाधिकारी र अन्यलाई विना जिम्मेवारी वैदेशिक यात्रामा पठाउने अखिल नेपाल फुटबल संघ (एन्फा) को मनलाग्दी निर्णयलाई रोक्ने जिम्मेवारी अब राष्ट्रिय खेलकुद परिषद् (राखेप) नेतृत्व समक्ष पुगेको छ ।

फिफा विश्व कप छनोट तथा एएफसी एसियन कप छनोटका लागि बहराइन पठाउन स्वीकृतिका लागि एन्फाले बिहीबार राष्ट्रिय फुटबल टोलीसहित ४१ जनाको सुची राष्ट्रिय खेलकुद परिषद् (राखेप) मा बुझाएको राखेप श्रोतले जनाएको छ । मलेसिया पुगेको टोलीमा १० अफिसियल थप्दै नयॅा सूची राखेप पुगेको छ ।

युवा तथा खेलकुद मन्त्रालयले बुधबार एक प्रेस विज्ञप्ती जारी गर्दै कानुन बमोजिम राखेपको स्वीकृति पश्चात मात्र खेल संघका पदाधिकारीहरुलाई अन्तर्राष्ट्रिय खेलकुद प्रतियोगिता, तालिम, गोष्ठी, सेमिनार वा सम्मेलनमा भाग लिन वैदेशिक प्रस्थान अनुमति प्रदान गर्न व्यवस्थाको लागि गृह मन्त्रालयमा अनुरोध गरेको जनाएको थियो ।

मन्त्रालयको विज्ञप्ती सार्वजनिक हुनुअघि नै बुधबार राष्ट्रिय फुटबल टोली मलेसिया जाँदा एन्फालाई अनावश्यक व्यवभार पार्ने गरि थप १० जनालाई पठाएपछि त्यसमा खेलकुद मन्त्रालयले चासो व्यक्त गरेको थियो ।

त्यसपछि एन्फाले बहराइनका लागि पठाउने टोलीको स्वीकृतिका लागि राखेपमा पत्राचार गरेको छ । अब त्यसमा को कति जान आवश्यक भन्ने छानविन गर्ने र स्वीकृति प्रदान गर्ने जिम्मेवारी राखेप समक्ष पुगेको छ ।

बहराइनविरुद्ध चैत ८ र १३ गते हुने खेलका लागि जानेको सुचीमा २३ खेलाडी, मुख्य प्रशिक्षक, सहायक प्रशिक्षक, गोलकिपर प्रशिक्षक, प्राविधिक प्रशिक्षक, फिजियो, डाक्टर, व्यवस्थापक, मिडिया अफिसर गरि ३२ जना छन् ।

त्यसबाहेक एन्फा केन्द्रीय सदस्य टिकाराम लामा हेड अफ डेलिगेट्स तथा मणिराज विष्ट, रामचन्द्र तामाङ लामा, रन्जन कार्की, राजकाजी श्रेष्ठ, महेशचन्द्र महत, भरतबहादुर खत्री, शेरबहादुर बस्नेत र डोलुशकुमार केसी अफिसियलमा छन् ।

मलेसिया जाने फुटबल टोलीमा खेलाडीसँगै प्रशिक्षक, सहायक प्रशिक्षक, व्यवस्थापक र फिजियोबाहेक एन्फा उपाध्यक्ष दिपक खतिवडा, सिइओ इन्द्रमान तुलाधर, सदस्य महेन्द्र क्षेत्रीसहित , जिल्ला फुटबल संघ संखुवासभाका अध्यक्ष भरत घिमिरे, ललितपुरका सचिव प्रविण श्रेष्ठ, कास्कीका सुविन कुमार श्रेष्ठ, थ्री स्टार क्लबका उपाध्यक्ष जयकृष्ण श्रेष्ठ, खुमलटारका सचिव बुद्धि गुरुङ, मकवापनुरका सुनिल लोप्चन र एन्फा कर्मचारी ज्ञानु राई छन् ।

कर्मचारी राईको हकमा भने एन्फाले पछिल्लो समय किट म्यानेजरको भूमिकामा एन्फामा कार्यरत कर्मचारीलाई लग्दै आएको हो । तर किट म्यानेजरमा विकास गुरुङ रहँदै आएकोमा यसपटक राई गरेका थिए ।

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

Success

Thank you for your time.