default_image

1 month ago

March 17, 2024

फुलहमसँग टोटेनहमको हार

एजेन्सी – इंग्लिस प्रिमियर लिगमा टोटेनहम हटस्परले हार बेहोरेको छ । टोटेनहम घरेलु टोली फुलहमसँग ३–० ले पराजित भएको हो । घरेलु टोली फुलहमको जितमा रोड्रिगो मुनिजले दुई तथा सासा लुकिकले एक गोल गरे । क्राभेन कटेज लन्डनमा शनिबार राति भएको खेलको ४२औं मिनेटमा रोड्रिगो मुनिजले गोल गर्दै फुलहमलाई पहिलो हाफमा १–० को अग्रता दिलाए […]

372 views

0 Bookmark

एजेन्सी – इंग्लिस प्रिमियर लिगमा टोटेनहम हटस्परले हार बेहोरेको छ । टोटेनहम घरेलु टोली फुलहमसँग ३–० ले पराजित भएको हो । घरेलु टोली फुलहमको जितमा रोड्रिगो मुनिजले दुई तथा सासा लुकिकले एक गोल गरे ।

क्राभेन कटेज लन्डनमा शनिबार राति भएको खेलको ४२औं मिनेटमा रोड्रिगो मुनिजले गोल गर्दै फुलहमलाई पहिलो हाफमा १–० को अग्रता दिलाए । उनले एन्टोनी रोविन्सनको पासमा गोल गर्न सफल भएका थिए ।

४९औं मिनेटमा सासाले गोल गर्दै फुलहमको अग्रता दोब्बर पारे । उनले टिमोथी कास्टाग्नेको पासलाई सदुपयोग गरे । त्यसपछि ६१औं मिनेटमा रोड्रिगोले व्यक्तिगत दोस्रो तथा टोलीका लागि तेस्रो गोल गर्दै फुलहमको सानदार जित पक्का गरे ।

घरेलु टोलीविरुद्ध टोटेनहमले बल पोसेसन राख्दै दवाव बढाएपनि फुलहमको बलियो रक्षापङ्ति तोड्न नसक्दा पराजित हुन पुग्यो । यता, फुलहमले पाएको अवसरमा कमजोर रक्षापङ्तिको फाइदा उठाउँदै गोल गर्न सफल भयो ।

यस जितले फुलहम २९ खेलबाट ३८ अंक जोडेर १२औं स्थानमा यथावत छ । पराजित टोटेनहम ५३ अंक जोडेर पाँचौं स्थानमा रहँदा चौथो स्थानमा उक्लने मौका गुमाएको छ ।

प्रिमियर लिगकै अर्काे खेलमा बर्नलेले ब्रेन्टफर्डलाई २–१ ले पराजित गर्दा लुटोन र नटिङहम फरेस्टले १–१ गोलको बराबरी खेल्दै अंक बाँडेका छन् ।

April 21, 2024

आर्सनल शीर्षस्थानमा

एजेन्सी – घरेलु टोली वल्भ्समाथि २–० काे सहज जित हात पार्दै लन्डन क्लब आर्सनल इंग्लिस प्रिमियर लिगको शीर्षस्थानमा उक्लिएको छ । आर्सनलले एक खेल कम खेलेको म्यानचेस्टर सिटी र लिभरपुललाई पछि पार्दै शीर्षस्थानमा उक्लन सफल भएको हो ।वल्भरह्याम्टनमा शनिबार राति भएको खेलमा आर्सनललाई जिताउन लियान्द्रो ट्रोससार्ड र मार्टिन ओडेगार्डले गोल गरे । पहिलो र दोस्रो […]

April 21, 2024

म्यानचेस्टर सिटी एफए कपको फाइनलमा

एजेन्सी – चेल्सीलाई हराउँदै साविक विजेता म्यानचेस्टर सिटी एफए कपको फाइनलमा प्रवेश गरेको छ । सिटीले शनिबार चेल्सी माथि १-० को झिनो जित निकाल्दै उपाधि भिडन्त पक्का गरेको हो । सिटीको जितमा बर्नार्डो सिल्भाले खेलको ८४औं मिनेटमा गरेको गोल नै निर्णायक बन्यो । केभिन डी ब्रुइनले बक्स भित्रबाट नै गरेको क्रस चेल्सी गोलरक्षक जोर्डजे पेट्रोभिचले […]

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

Success

Thank you for your time.