default_image

3 weeks ago

March 22, 2024

राष्ट्रिय टोलीमा चार खेलाडीको डेब्यु

काठमाडौं (हाम्रो खेलकुद) – नेपाल राष्ट्रिय फुटबल टोलीका लागि थप चार खेलाडीले डेब्यु गरेका छन् । गएराती बहराइनमा सम्पन्न फिफा छनोट अन्तर्गतको खेलमा प्रशिक्षक भिन्सेन्जाे अल्बर्टो अनेसेले चार खेलाडीलाई डेब्यु दिएका हुन् । डेब्यु गर्नेमा डिफेन्डरद्वय अभिषेक लिम्बू र सौभाग्य राई (सञ्जित) तथा फरवार्ड समीर तामाङ र सन्जिब विष्ट रहेका छन् । अभिषेकले सुरुवाती रोजाइमा […]

1952 views

0 Bookmark

काठमाडौं (हाम्रो खेलकुद) – नेपाल राष्ट्रिय फुटबल टोलीका लागि थप चार खेलाडीले डेब्यु गरेका छन् । गएराती बहराइनमा सम्पन्न फिफा छनोट अन्तर्गतको खेलमा प्रशिक्षक भिन्सेन्जाे अल्बर्टो अनेसेले चार खेलाडीलाई डेब्यु दिएका हुन् ।

डेब्यु गर्नेमा डिफेन्डरद्वय अभिषेक लिम्बू र सौभाग्य राई (सञ्जित) तथा फरवार्ड समीर तामाङ र सन्जिब विष्ट रहेका छन् ।

अभिषेकले सुरुवाती रोजाइमा नै रहेर डेब्यु गरे । नियमित डिफेन्डर रोहित चन्द अनुपलब्ध रहेका बेला अभिषेकले सुरुवाती रोजाइमा नै रहेर डेब्यु गर्ने अवसर पाएका थिए ।

यस्तै सौभाग्य राई दोस्रो हाफको सुरुवातमा मैदान प्रवेश गरे । उनले दोस्रो हाफ सुरु हुनु अघि सुमित श्रेष्ठको स्थान लिँदै डेब्यु गरेका थिए ।

समीर तामाङले ७९औं मिनेटमा हिसुब थपलियाको स्थान लिएर डेब्यु गरे । यु-१९ टोलीबाट खेलिसकेका उनले चिनियाँ प्रान्तको टोली विरुद्ध नेपाली युवा टोलीबाट पनि खेलेका थिए । समीर कै स्थान लिँदै ८८औं मिनेटमा सन्जिबले पनि डेब्यु गरे ।

नेपाल लगातार तेस्रो हार बेहोर्ने क्रममा बहराइन विरुद्ध ५-० ले पराजित भएको थियो । नेपालले अब अर्को खेलमा बहराइन विरुद्ध नै मार्च २७ मा खेल्नेछ । नेपाल रहेको समूहमा युएई ९ अंक सहित शीर्ष स्थानमा छ भने बहराइन ६ अंक सहित दोस्रो र यमन ३ अंक सहित तेस्रो छ । अंकविहिन नेपाल पुछारमा छ ।

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

April 14, 2024

मनोहरा र झम्सिखेलको जित

काठमाडौं (हाम्रो खेलकुद) – सहिद स्मारक ‘सि’ डिभिजन लिगमा आईतवार भएका खेलमा मनोहरा युथ क्लब र झम्सिखेल युथ क्लब विजयी भएका छन् । दिनको पहिलो खेलमा मनोहराले स्पोर्ट्स एकेडेमी साँगा माथि ३-२ को जित हासिल गरेको हो । मनोहराको जितमा उत्तम शाही, विशान्त मगर र आविष्कार खड्काले समान १-१ गोल गरे । साँगाका लागि स्यामुएल […]

Success

Thank you for your time.