default_image

3 weeks ago

March 30, 2024

दश जनामा सिमित बर्नलीविरुद्ध चेल्सीको बराबरी

एजेन्सी – इंग्लिश प्रिमियर लिग अन्तर्गत शनिबार साँझ भएको खेलमा दश जनामा सिमित बर्नलीविरुद्ध चेल्सीले बराबरी खेलेको छ । अग्रता जोगाउन नसक्दा चेल्सी २-२ को बराबरीमा रोकिन सफल भएको हो । खेलको ४०औं मिनेटमा लोरेन्ज एसिङगनले मुखाएलो मुड्रीकमाथि फाउल गरेपछि चेल्सीले पेनाल्टी पाएको थियो । सो फाउलमा उनले दोहोरो पहेंलो कार्ड खाँदै मैदान समेत बाहिरिएका […]

287 views

0 Bookmark

एजेन्सी – इंग्लिश प्रिमियर लिग अन्तर्गत शनिबार साँझ भएको खेलमा दश जनामा सिमित बर्नलीविरुद्ध चेल्सीले बराबरी खेलेको छ । अग्रता जोगाउन नसक्दा चेल्सी २-२ को बराबरीमा रोकिन सफल भएको हो ।

खेलको ४०औं मिनेटमा लोरेन्ज एसिङगनले मुखाएलो मुड्रीकमाथि फाउल गरेपछि चेल्सीले पेनाल्टी पाएको थियो । सो फाउलमा उनले दोहोरो पहेंलो कार्ड खाँदै मैदान समेत बाहिरिएका थिए । पेनाल्टीमा कोल पालमरले गोल गर्दै चेल्सीलाई अग्रता दिलाएका थिए ।

४७औं मिनेटमा बर्नलीले खेलमा बराबरी गर्यो । जोस ब्राउनहिलको क्रसमा जोश कुलेनले गोल गर्दै खेलमा दश जनामा सिमित बर्नलीका लागि बराबरी गरेका थिए ।

तर खेलको ७८औं मिनेटमा पालमरले खेलमा पुनः चेल्सीलाई अग्रता दिलाए । रहिम स्टरलिङको ब्याकहिल पास लिँदै उनले दुई डिफेन्डरलाई छक्याउँदै गोल गर्न सफल भएका थिए ।

त्यसको तीन मिनेटमा बर्नलीले खेलमा पुनः बराबरी गर्यो । पहिलो गोल गरेका कुलेनको क्रसमा डारा ओ’शिएले हेडर मार्फत गोल गर्दै खेलमा बराबरी गरे ।

बराबरी पछि २८ खेलमा ४० अंक भएको चेल्सी तालिकाको ११औं स्थानमा छ । बर्नली भने ३० खेलमा १८ अंकसहित पुछारबाट दोस्रो स्थानमा छ ।

सोही समयमा भएको खेलमा टोटेनहमले लुटन टाउन माथि पुनरागमन जित दर्ता गर्यो । १-० को अवस्था उल्ट्याउँदा टोटेनहमका लागि सन ह्यूङ मिनले एक गोल गरे भने एक गोल आत्मघाती गोल रहेको थियो ।

जित पछि टोटेनहम २९ खेलमा ५६ अंक सहित चौथो स्थानमा उक्लिएको छ । पराजित लुटन भने ३० खेलमा २२ अंक सहित १८औं रहेको छ ।

April 21, 2024

आर्सनल शीर्षस्थानमा

एजेन्सी – घरेलु टोली वल्भ्समाथि २–० काे सहज जित हात पार्दै लन्डन क्लब आर्सनल इंग्लिस प्रिमियर लिगको शीर्षस्थानमा उक्लिएको छ । आर्सनलले एक खेल कम खेलेको म्यानचेस्टर सिटी र लिभरपुललाई पछि पार्दै शीर्षस्थानमा उक्लन सफल भएको हो ।वल्भरह्याम्टनमा शनिबार राति भएको खेलमा आर्सनललाई जिताउन लियान्द्रो ट्रोससार्ड र मार्टिन ओडेगार्डले गोल गरे । पहिलो र दोस्रो […]

April 21, 2024

म्यानचेस्टर सिटी एफए कपको फाइनलमा

एजेन्सी – चेल्सीलाई हराउँदै साविक विजेता म्यानचेस्टर सिटी एफए कपको फाइनलमा प्रवेश गरेको छ । सिटीले शनिबार चेल्सी माथि १-० को झिनो जित निकाल्दै उपाधि भिडन्त पक्का गरेको हो । सिटीको जितमा बर्नार्डो सिल्भाले खेलको ८४औं मिनेटमा गरेको गोल नै निर्णायक बन्यो । केभिन डी ब्रुइनले बक्स भित्रबाट नै गरेको क्रस चेल्सी गोलरक्षक जोर्डजे पेट्रोभिचले […]

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

Success

Thank you for your time.