एजेन्सी – इंग्लिश प्रिमियर लिग अन्तर्गत शनिबार साँझ भएको पहिलो खेलमा म्यानचेस्टर सिटी विजयी भएको छ । सिटीले क्रिस्टल प्यालेस माथि ४-२ को सानदार जित हात पारेको हो ।

खेलमा सुरुवाती अग्रता भने प्यालेसले लिएको थियो । खेलको तेस्रो मिनेटमा नै एडम ह्वारटनको पासमा जिन-फिलिप मटेटाले गोल गर्दै प्यालेसलाई अग्रता दिलाएका थिए ।

तर त्यसपछि सिटीले खेलमा कब्जा जमायो । खेलको १३औं मिनेट।केभिन डी ब्रुइनले बक्स भित्रबाट सानदार फिनिश गर्दै खेल बराबरीमा ल्याएका थिए ।

दोस्रो गोल गर्न सिटीले दोस्रो हाफ कुर्नु पर्यो । दोस्रो हाफको दोस्रो मिनेटमा नै रिको लुइसले गोल गरेर खेल बराबरीमा ल्याए । ज्याक ग्रिलिशको क्रस क्लियर भएपछि लुइसले बल नियन्त्रणमा लिएर बक्स भित्रबाट नै गोल गरेका थिए ।

यस्तै ६६औं मिनेटमा डी ब्रुइनकै पासमा एरलिङ हालान्डले गोल गर्दै सिटीको अग्रता फराकिलो बनाए । त्यसको चार मिनेट पश्चात डी ब्रुइनले खेलमा आफ्नो व्यक्तिगत दोस्रो गोल गर्दै सिटीलाई जित तर्फ डोहोर्याए ।

८६औं मिनेटमा ओड्सन एडुवार्डले प्यालेसका लागि एक गोल।फर्काएपछि घरेलु टोली खेलमा फर्कन भने सकेन ।

जित पछि सिटी हालका लागि दोस्रो स्थानमा उक्लिएको छ । सिटीको ३१ खेलमा ७० अंक भएको छ । पहिलो स्थानमा रहेको लिभरपुल ७० अंक नै भएतापनि गोल अन्तरका आधारमा शीर्ष स्थानमा छ । तेस्रो स्थानमा रहेको आर्सनलको ३० खेलमा ६८ अंक छ ।

प्रिमियर लिगमा आज नै थप ६ खेल हुँदै छन् । जसमध्य १०:१५ बजे आर्सनलले ब्राईटनको सामना गर्नेछ ।