default_image

2 months ago

April 10, 2024

रियल म्याड्रिड र म्यानचेस्टर सिटीको रोमाञ्चक बराबरी

5119 views

0 Bookmark

एजेन्सी – युरोपेली च्याम्पियन्स लिगको क्वाटरफाइनल अन्तर्गत पहिलो लेगमा दुई दावेदार रियल म्याड्रिड र म्यानचेस्टर सिटीले रोमाञ्चक बराबरी खेलेका छन् । रियलको घरेलु मैदान सान्टियागो बर्नाबेउमा भएको खेल ३-३ को बराबरीमा सकिएको हो ।

खेल उत्कृष्ट गोलहरुले भरिपूर्ण रहेको थियो । पहिलो मिनेट देखि अन्तिम मिनेटसम्म खेल प्रतिस्पर्धात्मक रह्यो ।

खेलको दोस्रो मिनेटमा नै बर्नार्डो सिल्भाले सिटीलाई खेलमा अग्रता दिलाए । उनले रियलका गोलकिपर लुनिनलाई चकित पार्दै लिएको। फ्रिकिक गोलमा परिणत भएको थियो ।

१२औं मिनेटमा रियलले खेलमा बराबरी गोल गर्यो । एडुवार्डो कामाभिंगाले बक्स बाहिरबाट गरेको प्रहार सिटी डिफेन्डर रुबेन डियासबाट डिफ्लेक्ट भएर सिटी गोलरक्षक ओर्टेगालाई कुनै मौका दिएको थिएन ।

१४औं मिनेटमा रियलले अग्रता लियो । भिनीसियस जूनियरको थ्रु-पासमा रोड्रीगोले वान अन वान अवसरमा गोल गर्दै रियललाई अग्रता दिलाए ।

खेलको चौथो गोलको लागि दोस्रो हाफ कुर्नु परेको थियो । ६६औं मिनेटमा फिल फोडेनले पुनः बक्स बाहिरबाट उत्कृष्ट गोल गर्दै सिटीलाई खेलमा फर्काए ।

त्यसको पाँच मिनेट पछि सिटीले पुनः उत्कृष्ट गोल मार्फत खेलमा अग्रता लियो । यसपटक गोल गर्ने खेलाडी डिफेन्डर जोस्को गवार्डीओल थिए । उनले आफ्नो कमजोर दायाँ खुट्टाले गरेको प्रहारले जालि चुमेको थियो ।

तर सिटीको अग्रता फेरी पनि धेरै बेर टिक्न सकेन । ७९औं मिनेटमा भिनिसियस कै क्रसमा बक्स भित्रबाट सानदार भली फिनिश गर्दै फेडेरिको भालभर्डेले गोल गरेर खेल ३-३ को स्थितिमा ल्याए ।

यस क्वाटरफाइनल टाईको दोस्रो लेग आठ दिन पछि सिटीको घरेलु मैदानमा हुनेछ । अर्को क्वाटरफाइनल खेलको पहिलो लेगमा आर्सनल र बायर्न म्युनिखले पनि २-२ को बराबरी खेलेका छन् ।

May 27, 2024

योर गेम इज नट फेयर प्ले

सन्जोग चाम्लिङ राई पहेँलो रंगको पृष्ठभूमिगाढा निलो अक्षर । मैदानमासबैभन्दा पहिले छिर्छएउटा चारकुने झण्डालेखिएको हुन्छ –“माई गेम इज फेयर प्ले” । मैदानको वारी छन्“भिटामिन डी” को रापमारापिएका दर्शकहरु ,पारी देखिन्छछहारीमा सुकला गरी रहेको एन्फाखेल्दै छन् मैदानमाभोको पेट र काँचका सपनाहरु । अचम्मको पोको हो एन्फाफुटबल नबोल्नुउसको गला होफुटबल नखेल्नुउसको कला हो । बहुमतको बिसौलीमाउ मात्तिन्छचौरास्ताको […]

May 27, 2024

जितका साथ बार्सिलोनामा जाभीको बिदाई

एजेन्सी – जितका साथ जाभी हर्नान्डेजले बार्सिलोनाको प्रशिक्षण यात्राको अन्त्य गरेका छन् । स्पेनिस ला लिगामा आफ्नो अन्तिम खेलमा आइतबार बार्सिलोना सेभियालाई २–१ ले हराएको हो । बार्सिलोनाका लागि रोबर्ट लेवान्डोस्की र फर्मिन लोपेजले गोल गरे । सेभियाका लागि एन नेसिरीले गोल गरे । खेलको समाप्तीपछि बार्सिलोनाका खेलाडीले जाभीलाई बिदाइ गरे । बार्सिलोनाले यसअघि नै […]

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

Success

Thank you for your time.