default_image

1 month ago

April 17, 2024

बार्सिलोनालाई हराउँदै पिएसजी च्याम्पियन्स लिग सेमिफाइनलमा

5920 views

0 Bookmark

एजेन्सी – स्पेनिस क्लब बार्सिलोना माथि जित हात पार्दै फ्रेन्च क्लब पेरिस सेन्ट जर्मेन (पिएसजी) युरोपेली च्याम्पियन्स लिगको सेमिफाइनलमा प्रवेश गरेको छ । दोस्रो लेगमा ४-१ र समग्रमा ६-४ को जित निकाल्दै फ्रेन्च टोली अन्तिम चारमा प्रवेश गरेको हो ।

पहिलो लेग ३-२ ले पराजित भएको पिएसजिले दोस्रो लेगमा पुनरागमन गर्न सफल रह्यो । खेलको १२औं मिनेटमा बार्सिलोनाले खेलमा अग्रता लिएको थियो । लामिन यमालले राइट विङबाट बल लिएर बक्स भित्रबाट गरेको क्रसमा राफिन्हाले गोल गर्दै खेलमा बार्सिलोनाले अग्रता लिएको थियो ।

तर २९औं मिनेटमा खेलमा बार्सिलोनालाई झट्का लागेको थियो । डिफेन्डर रोनाल्ड आराउहो सोझो रातो कार्ड खाँदै मैदान बाहिरिएपछि बार्सिलोनाले खेलको दुई तिहाई समय १० जनाले खेल्नु परेको थियो ।

४०औं मिनेटमा बार्सिलोनाले गोल खान पुग्यो । ब्राड्ली बार्कोलाको क्रसमा पूर्व बार्सिलोना खेलाडी उसमान डेम्बेलेले गोल गर्दै समग्रमा बार्सिलोनाको अग्रता दुई गोलबाट एक गोलमा घटाए ।

५४औं मिनेटमा पिएसजीले खेलमा अग्रता लिँदै समग्रमा बराबरी गर्यो । भिटिन्हाले बक्स बाहिरबाट उत्कृष्ट गोल गर्दै खेलमा पाहुना टोलीलाई अग्रता दिलाए ।

६०औं मिनेटमा पिएसजीले पेनाल्टी पायो । जोआओ क्यान्सेलोले उसमान डेम्बेलेमाथि फाउल गरेपछि पाएको पेनाल्टीमा किलियन एम्बाप्पेले गोल गर्दै पिएसजीलाई समग्रमा अग्रता दिलाए ।

८९औं मिनेटमा एम्बाप्पेले खेलमा व्यक्तिगत दोस्रो गोल गर्दै पिएसजीको जित सुनिश्चित गरे ।

पिएसजीले अब फाइनल प्रवेशका लागि बोरुसिया डर्टमुण्ड विरुद्ध खेल्नेछ । डर्टमुण्डले एट्लेटिको म्याड्रिड विरुद्ध समग्रमा ५-४ को जित निकाल्दै अन्तिम चारमा प्रवेश गरेको हो ।

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

May 19, 2024

क्लोपको लिभरपुल कार्यकालको सुखद अन्त्य

एजेन्सी – प्रशिक्षक जोर्गेन क्लोपको अन्तिम खेलमा लिभरपुलले सुखद नतिजा प्राप्त गरेको छ । ९ वर्ष पछि लिभरपुलबाट विदा हुन लागेका क्लोपको अन्तिम खेलमा लिभरपुलले वल्भस विरुद्ध २-० को जित दर्ता गरेको हो । लिभरपुलको जितमा एलेक्सिस मक यालिस्टर र ज्यारेल क्वान्साहले १-१ गोल गरे । लिभरपुलले तेस्रो स्थानमा रहँदै लिग सिजनको अन्त्य गरेको छ […]

Success

Thank you for your time.