default_image

4 weeks ago

April 22, 2024

कोशी प्रहरी मिल्स गोल्डकपको सेमिफाइनलमा

251 views

0 Bookmark

विराटनगर (हाम्रो खेलकुद) – कोशी प्रदेश प्रहरी कार्यालय रानी विराटनगर चौंथो मिल्स गोल्डकप फुटबल प्रतियोगिताको सेमिफाइनलमा प्रवेश गरेको छ ।

विराटनगरको जुटमिलको खेलमैदानमा सोमबार भएको अन्तिम क्वाटरफाइनल खेलमा साविक विजेता गोलबजार स्पोर्टिङ क्लब सिराहलाई पेनाल्टी सुटआउट ४–३ ले हराउँदै प्रहरी सेमिफाइनलमा पुगेको हो । प्रहरीले अब फाइनल प्रवेशको लागि बिहीबार घरेलु टोली पेमा युवा क्लब विराटनगरसँग खेल्नेछ ।

निर्धारित समयसम्म २–२ को बराबारी भएपछि पेनाल्टी भएको थियो । पेनाल्टी सुटआउटमा प्रहरीका उज्जल राई, सन्देश विक, विवेक राई र सुमित प्रधानले गोल गरे । गोलबजार विनोद राई र निरजल मोक्तानले मात्र गोल गरे । गौरव श्रेष्ठ र मिन धिमालको प्रहार प्रहरीका गोलकिपर पुरन राईले रोके । दुई पेनाल्टी रोकेका प्रहरीका पुरन खेलको प्लेयर अफ म्याच घोषित भए ।

पहिलो हाफमा गोलबजारले अग्रता लिएको थियो । १२ औं मिनेटमा निशान्त लिम्बुले गोल गर्दै अग्रता दिलाए । पेनाल्टी बक्स भित्र सन्दिप लिम्बुको पासमा निशान्तले गोल गरे । ४४ औं मिनेटमा रमेश राजवंशीले गोल गरेपछि खेललाई १–१ बराबरी भयो । अभिषेक आलेमगरले निकालेको पासलाई रमेशले गोल गरे ।

खेल सकिन २ मिनेट बाँकी रहँदा सिनोद राईले गोल गरेपछि गोलबजारले दोस्रो पटक अग्रता लियो । त्यसको एक मिनेट बित्न नपाउँदै प्रहरीका विवेक राईले बराबरी गोल गरे । बुधबार हुने पहिलो सेमिफाइनल एपीएफ फुटबल पकली सुनसरी र कनकाई स्पोर्टिङ क्लब सुरुङगा झापाबीच हुनेछ ।

वैशाख १५ गते हुने फाइलनको विजेताले २ लाख ११ हजार १ सय रुपैयाँ र दोस्रो टोलीले १ लाख ११ हजार १ सय रुपैयाँ प्राप्त गर्नेछ ।

May 20, 2024

डिबाला बिना अर्जेन्टिनाको टोलीको घोषणा

एजेन्सी – अर्जेन्टिनी फुटबल एसोसिएसन (एएफए) ले आउँदो कोपा अमेरिकाका लागि सार्वजनिक गरेको प्रारम्भिक अर्जेन्टिना टोलीमा स्टार खेलाडी पाउलो डिबाला पर्न असफल भएका छन् । इटालियन टोली रोमामा आवद्ध उनी २९ जनाको प्रारम्भिक टोलीमा समेत रहन असफल रहे । डिबालाले यस सिजन रोमाका लागि ३८ खेलमा १६ गोल गरेका छन् । लिगको छैठौं स्थानमा रहेको […]

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

Success

Thank you for your time.