default_image

3 weeks ago

April 27, 2024

एपिएफ पकलीलाई मिल्स गोल्डकपको उपाधि

449 views

0 Bookmark

विराटनगर (हाम्रो खेलकुद)– सशस्त्र प्रहरी बल (एपिएफ) पकली सुनसरीले चौथों मिल्स गोल्डकप फुटबल प्रतियोगिताको उपाधि जितेको छ ।

विराटनगर जुटमिलको खेलमैदानमा शनिबार भएको फाइनलमा घरेलु टोली पेमा युवा क्बल विराटनगरलाई ३–१ गोलले हराउँदै एपिएफ च्याम्पियन बनेको हो । एपिएफले २ लाख ११ हजार १ सय रुपैयाँ हात पारेको छ ।

एपिएफको जितमा भरत कपाली, दिशन राई र धनबहादुर श्रेष्ठले समान १ गोल गरे । पेमा का लागि मिलन राईले फर्काए । यसअघि २०७७ सालमा एपिएफले पहिलो मिल्स गोल्डकपको उपाधि जितेको थियो ।

सुरूवाती अग्रता लिएर पनि पेमाले त्यसलाई जोगाउन सकेन । ११ औं मिनेटमा पेमाका मिलनले गोल गरेका थिए । सुरज सुब्बाले निकालेको क्रस पासमा मिलनले गोल गरेका हुन् ।

त्यसको दुई मिनेट पछि एपिएफले गोल गरी खेल बराबारीमा फर्कायो । १३ औं मिनेटमा भरतले बराबरी गोल गरेका हुन् । पेमाका गोलकिपर अरुणबाट रिबाउन्ड भएको बललाई भरतले गोल गरेका हुन् ।

६० औं मिनेटमा दिशनको गोलमा एपिएफले अग्रता बनायो । हरि कार्कीले डिबक्स भित्रबाट दिएको पमास दिशनले गोल गरेका हुन् । ७४ औं मिनेट धनबहादुरले गोल गर्दै टोलीको जित निश्चित गरे । दिशनको पासमा धनबहादुरले गोल गरेका हुन् ।

पेमाले गोल गर्ने केहि मौका खेर फालेको थियो । पेमाले १ लाख ११ हजार १ सय ११ रुपैयाँमा प्राप्त गर्यो । विजेता टोलीका दिशन राई फाइनलका प्लेयर अफ द म्याच घोषित भए ।

३ गोलका साथ एपिएफका हरि कार्की सर्वाधिक गोलकर्ता बने भने सोही टोलीका सुजन विक उत्कृष्ट गोलकिपर चुनिए । पेमाका कोमल खवास प्रतियोगिताका सर्वोत्कृष्ट घोषित भए । वैशाख ७ देखि सुरु भएको प्रतियोगितामा ८ टोलीको सहभागिता थियो ।

कोशी प्रदेशका पूर्व मुख्यमन्त्री शेरधन राई, नेपाल खेलकुद महासंघको केन्द्रीय अध्यक्ष पर्शुराम बस्नेत, मिल्स गोल्डकप फुटब ट्रष्टका अध्यक्ष विष्णु डंगोल, संयोजक मनोज खड्कालगायतले विजेता, उपविजेता टोलीका खेलाडीलाई पुरस्कृ गरे ।

May 20, 2024

डिबाला बिना अर्जेन्टिनाको टोलीको घोषणा

एजेन्सी – अर्जेन्टिनी फुटबल एसोसिएसन (एएफए) ले आउँदो कोपा अमेरिकाका लागि सार्वजनिक गरेको प्रारम्भिक अर्जेन्टिना टोलीमा स्टार खेलाडी पाउलो डिबाला पर्न असफल भएका छन् । इटालियन टोली रोमामा आवद्ध उनी २९ जनाको प्रारम्भिक टोलीमा समेत रहन असफल रहे । डिबालाले यस सिजन रोमाका लागि ३८ खेलमा १६ गोल गरेका छन् । लिगको छैठौं स्थानमा रहेको […]

May 20, 2024

सोर्लाेथको चार गोलमा रियल म्याड्रिड रोकियो

एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]

May 19, 2024

म्यानचेस्टर युनाइटेडलाई प्रिमियर लिगमा आठौं स्थान

एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]

Success

Thank you for your time.