default_image

4 weeks ago

May 29, 2024

हान्सी फ्लिक बार्सिलोनाको मुख्य प्रशिक्षकमा नियुक्त

699 views

0 Bookmark

एजेन्सी – हान्सी फ्लिक बार्सिलोनाको नयाँ मुख्य प्रशिक्षकमा नियुक्त भएका छन् । बायर्न म्युनिख र जर्मनीका पूर्व प्रशिक्षक फ्लिकले बार्सिलोनासँग दुई वर्षको सम्झौतामा हस्ताक्षर गरेका छन् ।

फ्लिकले गत हप्ता क्लबले बर्खास्त गरेको जाभीको स्थान लिएका छन् । फ्लिकले २०२० मा बायर्न म्युनिखसँग बुन्डेसलिगा, जर्मन कप र च्याम्पियन्स लिगको उपाधि सहितको ट्रेबल जितेका थिए । यद्यपि, जर्मन राष्ट्रिय टोलीसँगको उनको पछिल्लो कार्यकालमा राम्रो नतिजा आउन सकेन । उनको प्रशिक्षणमा जर्मनी २०२२ को विश्वकपको समूह चरणबाट बाहिरिएको थियो ।

फ्लिकलाई बार्सिलोनामा “नयाँ संरचना” स्थापना गर्ने भूमिका दिइएको छ ।  स्पेन र युरोपमा चिर-प्रतिद्वन्दी रियल म्याड्रिडलाई चुनौती दिने लक्ष्य राखेका छन् । उनले छिट्टै बार्सिलोनाका स्पोर्टिङ्ग डिरेक्टर डेकोसँग आगामी सिजनको लागि सम्भावित नयाँ खेलाडीहरु अनुबन्ध बारेमा कुराकानी गर्ने अपेक्षा गरिएको छ ।

बार्सिलोना छाडेका प्रशिक्षक जाभीले भने उनको उत्तराधिकारी आफ्नो भूमिकामा “पीडित” हुने बताएका थिए । स्पेनका पुर्व मिडफिल्डर जाभीले नोभेम्बर २०२१ मा बार्सिलोनाको मुख्य प्रशिक्षकको रूपमा पदभार ग्रहण गरे र आफ्नो पहिलो पूर्ण सिजन ला लिगा र स्पेनिस सुपर कप जितेका थिए । यो सिजन बार्सिलोना च्याम्पियन रियल म्याड्रिडभन्दा १० अंकले पछि रह्यो ।

बार्सिलोनाले क्लबमा रहने कुरा पुष्टि गरेको एक महिनापछि जाभीलाई हटाउने निर्णय लिएको हो । यसले उसले क्लबको आर्थिक संघर्षको बारेमा गरेको टिप्पणीहरू पछ्याउँदछ, जसलाई अध्यक्ष जोन लापोर्टा रिसाएको भनिएको थियो ।

June 23, 2024

चितवन जिल्ला लिग यसै साता सुरु हुने

सुशिल पन्त क्षेत्री, चितवनसेन्ट्रल कलेज चितवन जिल्ला ए डिभिजन लिग फुटबल यसै साता सुरु हुने भएको छ। आयोजक चितवन जिल्ला फुटबल संघले असार १४ गते सुरु हुने लिगमा  सहभागी १३ टोलीलाई‌ दुई समूह विभाजन गरेको  छ । सेन्ट्रल टावरमा आज (आइतबार) एक कार्यक्रमकाबीच भएको  विभाजनको समूह ए मा साविक विजेता हनामी भरतपुर फुटबल क्लब (बिएफसी) […]

June 22, 2024

पोर्चुगल युरोको अन्तिम १६ मा

एजेन्सी – लगातार दोस्रो जित दर्ता गर्दै पोर्चुगल युरो कप २०२४ को अन्तिम १६ मा प्रवेश गरेको छ । दोस्रो जित दर्ता गर्ने क्रममा पोर्चुगलले टर्कीलाई ३-० ले सहजै पराजित गरेको हो । पोर्चुगलका लागि बर्नार्डो सिल्भा र ब्रुनो फर्नान्डेजले १-१ गोल गरे भने १ गोल आत्मघाती गोल रहेको थियो । २१औं मिनेटमा बर्नार्डो सिल्भाले […]

June 22, 2024

जर्जिया र चेकियाको बराबरी 

काठमाडौँ (हाम्रोखेलकुद) – यूरो कप २०२४ अन्तर्गत शनिवार सम्पन्न पहिलो खेलमा जर्जिया र चेकियाले बराबरी खेलेका छन् । जर्मनीको ह्यामबर्गमा भएको खेल १-१ को बराबरीमा सकिएको हो । पहिलो हाफको अन्त्यतिर जर्जियाले खेलमा पेनाल्टीमार्फत अग्रता लिएको थियो । रोबिन ह्रनाचले बक्स भित्र ह्याण्डबल गरेपछि पाएको पेनाल्टीमा जर्जेस मिकाउताड्जेले कुनै गल्ती गरेनन् ।   खेलको ५९औ मिनेटमा […]

Success

Thank you for your time.