default_image

2 weeks ago

June 6, 2024

आर्मीका बसन्तलाई डेब्यु दिँदै नेपालको सुरुवाती-११ घोषणा

3543 views

0 Bookmark

काठमाडौं (हाम्रो खेलकुद) – त्रिभुवन आर्मी क्लबका डिफेन्डर बसन्त जिम् बाकाई डेब्यु दिँदै नेपालको युएई विरुद्ध उत्रिने सुरुवाती ११ सार्वजनिक भएको छ । प्रशिक्षक भिन्सेन्जो अल्बर्टो अनेसेले बसन्तलाई डेब्यु दिँदै सुरुवाती ११ घोषणा गरेका हुन् ।

टोलीमा अटाएका आर्मीका ५ मध्य ३ खेलाडी; सुरुवाती रोजाइमा छन् । आर्मीका जिलेस्पी जंग कार्की, भरत खवास र बसन्त सुरुवाती ११ मा रहेका हुन् ।

नेपालका गोलकिपर तथा कप्तान किरण चेम्जोङ आज आफ्नो ९९औं अन्तराष्ट्रिय खेल खेल्दैछन् । उनका अगाडि डिफेन्स लाइनमा अनन्त तामाङ, रोहित चन्द, विशाल बस्नेत र सौभाग्य राई रहेका छन् ।

मिडफिल्डमा भरत र बसन्तको साथ लाकेन लिम्बूले दिनेछन् भने अग्रपंक्तिमा मनिष डाँगी, जिलेस्पी र सञ्जीव विष्ट रहेका छ्न ।

अन्तिम दुई खेल खेल्ने टोलीमा पछिल्लो समय फुटबल टोलीबाट बाहिर रहेका युवा फरवार्ड आयुष घलान भने सुरुवाती ११ मा रहेका छैनन् ।

खेल नेपाली समय अनुसार बेलुका ९:४५ बजे साउदी अरबको दम्माम शहर स्थित प्रिन्स मोहमद विन फहद स्टेडियममा सुरु हुनेछ ।

एसियाली फुटबल महासंघ (एएफसी) ले मैदानको अवस्था र सुरक्षा व्यवस्थामा चासो राख्दै दशरथ रंगशालामा विश्वकप छनोटका खेल हुन अयोग्य जनाउँदै न्यूट्रल भेन्यु तय गर्न एन्फालाई पत्राचार गरेपछि अन्तिममा दुवै खेल साउदी अरबमा खेल्ने‌ भएको‌ हो ।

नेपाल र यमन बीचको खेल पनि सोही स्टेडियममा हुँदैछ । समूह ‘एच’ मा रहेको नेपालले यसअघि चारै खेलमा पराजय भोगेको थियो । नेपाल युएईसँग ४-० र यमनसँग २-० ले पराजित भएको थियो । त्यस्तै नेपालले बहराइसँगको पहिलो खेल ५-० र दोस्रो खेल ३-० ले गुमाएको थियो ।

June 21, 2024

अर्जेन्टिनाको विजयी सुरुवात

एजेन्सी – साविक विजेता अर्जेन्टिनाले २०२४ संस्करणको कोपा अमेरिकामा विजयी सुरुवात गरेको छ । एटलान्टामा भएको उद्दघाटन खेलमा अर्जेन्टिनाले क्यानडा माथि २-० को जित दर्ता गरेको हो । अर्जेन्टिनाका लागि स्ट्राइकरद्वय जुलियन अल्भारेज र लौतारो मार्टिनेजले समान १-१ गोल गरे । पहिलो हाफमा खेलमा नियन्त्रण काम भएतापनि दोस्रो हाफमा अर्जेन्टिनाले सुधारिएको प्रदर्शन गरेको थियो । […]

June 21, 2024

इटालीलाई हराउँदै स्पेन अन्तिम १६ मा

एजेन्सी – इटाली माथि जित हात पार्दै स्पेन यूरो कप २०२४ को अन्तिम १६ मा प्रवेश गरेको छ । बिहीबार राति सम्पन्न खेलमा स्पेनले इटाली माथि १-० को जित निकालेको हो । स्पेनको एकमात्र गोल दोस्रो हाफको सुरुवातमा आत्मघाती गोल रूपमा आएको थियो । खेलको ५५औं मिनेटमा निको विलियम्सको क्रसमा इटालियन डिफेन्डर रिकार्डो कालाफियोरीलाई लागेर […]

June 21, 2024

इङ्ल्यान्डले डेनमार्कसँग अंक बाँड्यो

एजेन्सी – युरो कप २०२४ को आफ्नो दोस्रो खेलमा उपाधि दाबेदार इङ्ल्यान्डले डेनमार्क विरुद्ध अंक बाँडेको छ । फ्रांकफर्ट एरिनामा भएको खेलमा इङ्ल्यान्डले डेनमार्क विरुद्ध १-१ को बराबरी खेल्दै अंक बाँडेको हो । पहिलो खेलमा सर्बिया विरुद्ध १-० को झिनो अन्तरको जित हासिल गरेको इङ्ल्यान्डले डेनमार्क विरुद्ध लिएको अग्रता बचाउन सकेन । १८औं मिनेटमा कप्तान […]

Success

Thank you for your time.