default_image

1 month ago

June 15, 2024

जर्मनीको सानदार सुरुवात

158 views

0 Bookmark

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो ।

सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले गोल गरे । स्कटल्यान्डले एक गोल उपहार पायो ।

फुबबल एरिना म्युनिखमा शुक्रबार राति भएको खेलको १०औं मिनेटमा फ्लोरिएन रिट्जको गोलबाट जर्मनीले गोलको खाता खुलायो । यसमा योसुवा किम्मिखले सहयोग गरे । १९औं मिनेटमा काईको पासमा मुसिएलाले गोल गर्दै जर्मनीको अग्रता दोब्बर पारे ।

२५औं मिनेटमा जर्मनीले पेनाल्टीको पाएपनि भिएआरले पेनाल्टी खारेज गरिदिदा जर्मनीले गोल अन्तर थप बढाउन पाए । तर, ४४औं मिनेटमा स्कटल्यान्ड १० खेलाडीमा समेटिन पुग्यो ।

पेनाल्टी बक्समा इल्केए गुन्डोगानलाई खराव ट्याकल गरेपछि रेफ्रीले रायन पोर्टेअस सिधै रातो कार्ड खाँदै मैदानबाट बाहिर पठाए । त्यसमै प्राप्त पेनाल्टीमा काईले गोल गरेपछि जर्मनीले पहिलो हाफमा ३–० को आरामदायी अग्रता कायम गर्यो ।

६८औं मिनेटमा परिवर्तित खेलाडी निकोलस फुलक्रगले गोल गरेपछि जर्मनी खेलमा ४–० ले अघि बढ्यो । काईको स्थानमा ६३औं मिनेटमा मैदान छिरेका उनले मैदान छिरेको पाँच मिनेट भित्रै गोल गर्न सफल भएका हुन् ।

७६औं मिनेटमा फुलक्रगले अर्काे गोल गरेपनि अफसाइड हुँदा भिएआरबाट मान्यता पाएन । ८७औं मिनेटमा एन्टेनियो रुडिगरले आत्मघाती गोल गरेपछि खेल ४–१ को स्थितिमा पुग्यो ।

तर, इन्ज्युरी समयको थप गरिएको तेस्रो मिनेटमा अर्का परिवर्तित खेलाडी एम्री क्यानले गोल गर्दै जर्मनीलाई ५–१ को सानदार जित दिलाए । एम्री ८०औ मिनेटमा टोनी क्रुसको स्थानमा मैदान छिरेका थिए ।

यस जितसँगै जर्मनीले समूह ‘ए’ मा ३ अंक बटुलेको छ । अब जर्मनीले दोस्रो खेलमा हंगेरीसँग तथा स्कटल्यान्डले स्वीट्जरल्यान्डसँग खेल्नेछ ।

युरो कपमा आज राति हंगेरी र स्वीट्जरल्यान्ड, स्पेन र क्रोएसिया तथा इटाली र अल्वानियाबीच प्रतिस्पर्धा हुनेछ ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.