लन्डन (एजेन्सी) – खेलको अन्त्यतिर ग्यारी काहिलले निर्णायक गोल गरेपछि स्टोक सिटीलाई २–१ ले हराउँदै प्रिमियर लिगको शीर्ष टोली चेल्सीले शनिबार दोस्रो स्थानको टोलीसँग १३ अंकको दुरी बनाएको छ । १ खेल कम खेलेका दोस्रो स्थानको टोटेनह्याम र म्यानचेस्टर सिटीको समान ५६ अंक छ ।
खेलेको १३ औं मिनेटमा विलियनको फ्रिकिक गोलबाट चेल्सीले अग्रता बनाएको थियो । तर, पहिलो हाफमै जोनाथन वाल्टर्सले पेनाल्टीमार्फत गोल गर्दै खेललाई बराबरीमा पुर्याएका थिए । काहिलसँग ठोक्किएर आइरिसम्यानलाई पेनाल्टी बक्समा लडेपछि स्टोकले पेनाल्टी पाएको थियो ।
मार्कोेस अलन्सोको प्रहार बारमा लागेर फर्कदा र पेद्रोको प्रहार रोक्दा भ्रमणकारी टोली केही दबाबमा परेको थियो । तर, पहिलो हाफमा गल्ति गरेका काहिलले क्षेतिपूर्ति स्वरुप खेल सकिन ४ मिनेट बाँकी रहँदा निर्णायक गोल गर्दै टोलीको विजय यात्रालाई कायम राख्न सफल भए । फिल ब्राड्सलेले इन्जुरी समयमा रातो कार्ड पाएपछि स्टोकले १० खेलाडीमा सिमित रहँदै खेलेको अन्त्य गर्यो । ३६ अंकसहित स्टोक नवौं स्थानमा छ ।
प्रिमियर लिगका अन्य खेलमा एभर्टन र साविक विजेता लेस्टर सिटी विजयी भएका छन् । हल सिटीलाई ४–० ले हराउँदै एभर्टन अंकतालिकाको छैटौं स्थानका उक्लेको छ । २९ खेलमा एभर्टनको ५० अंक पुगेको छ । ३ खेल कम खेलेको म्यानचेस्टर युनाइटेड ९४९० सातौं स्थानमा झरेको छ । लेस्टरले वेस्ट ह्याम युनाइटेडलाई ३–२ ले हरायो । ३० अंकका साथ लेस्टर १५ औं स्थानमा पुगेको छ । अर्को खेलमा सन्डरल्यान्ड र बनर्लीले गोलरहित बराबरी खेले ।
