उन्नाइस वर्ष मुनिको नेपाली फुटबल टिमका कप्तान बिमल घर्ती मगर नेपाल फर्केका छन् ।
बिमल वेल्जियमको फुटबल क्लव ‘क्लब ब्रुज के.के.भी.’मा प्रशिक्षण गर्न गएका थिए । करिब ५ हप्ता उनले बेल्जियमको प्रतिष्ठित क्लबमा प्रशिक्षण गरेका थिए। यो बिमलको युरोपमा तेश्रो अभ्यास हो । बिमलले यसअघि गएको मंसिरमा नेदरल्यान्ड्सको उच्च डिभिजनको क्लब एफसी ट्वेन्टेमा ट्रायलका साथै १२ दिन प्रशिक्षण लिएका थिए भने बेल्जियमकै अर्को क्लब ‘आर.एस.सी आन्द्रेले’ बाट पांच हप्ता प्रशिक्षण साथै एक अन्तराष्ट्रिय प्रतियोगितामा सभागिता जनाएका थिए। नेपाल आउनासाथै बिमल ‘अन्डर-१९’टोलीमा सहभागी हुनेछन| आगामी भद्र तिन देखि नेपालमै हुने प्रथम साफ यु-१९ प्रतियोगितामा विमलले टिम कप्तानको भूमिका निर्वाह गर्नेछन्| यसका साथै आगामी भाद्र १४ गते भारतसंग पुनेमा हुने मैत्रीपुर्ण खेलमा पनि बिमलको सहभागिता रहने लगभग पक्का भएको छ| यु-१९ टिमको अन्तिम छनोट केहि दिनमा हुने कुरा जानकारीमा आएको छ भने राष्ट्रिय टिमको छनोटमा ३० खेलाडी मात्र बाकीं रहने छन्|
