दिपक बोहोरा
इलाम (हाम्रो खेलकुद)– अर्को साता सुरु हुने टुबोर्ग माइ भ्याली गोल्ड कप फुटबल प्रतियोगिताको सबै तयारी पुरा भएको आयोजकमध्ये जिल्ला फुटबल संघ इलामका अध्यक्ष निरज खड्कीले जानकारी दिएका छन् । जिल्ला फुटबल संघ इलाम र माइ भ्याली फुटबल क्लब इलामको संयुक्त आयोजनामा माइ भ्याली गोल्डकप चैत १७ गतेबाट सुरु हुनेछ ।
प्रतियोगिता १० दिनसम्म इलामको ठुलो टुडिखेलमा सञ्चालन हुनेछ । आयोजना हुने जिल्ला फुटबल संघ इलामका अध्यक्ष निरज खङकिले जानकारी दिनुभयो । विजेताले ४ लाख रुपैयाँ पुरस्कार पाउने माइ भ्याली गोल्डकपमा ए डिभिजन क्लबहरु लक्ष्मी हुन्डाई मनाङ मस्याङ्दी, नेपाल पुलिस, त्रिभुवन आर्मी, नेपाल एपिएफ, सिएमजी क्लब संकटाको सहभागिता रहनेछ ।
त्यस्तै अग्नी रुपन्देही ११ , झापा ११ र भारतको ग्लोबल फुटबल क्लब आसाम , दुर्गापुर स्टिल टि.एस.वाई कोलकत्ता र आयोजक माइ भ्यालीले प्रतिस्पर्धा गर्नेछन् । प्रतियोगितामा दोस्रो हुने टोलीले २ लाख ५० हजार रुपैयाँ पप्त गनैछन् ।
प्रतियोगिताको उत्कृष्ट खेलाडीले यमाहाको १ सय ५० सिसीको मोटरसाइकल पाउनेछन् भने प्रत्येक खेलको म्यान अफ दी म्याचले ७ हजार रुपैयाँ प्राप्त गर्नेछन् । उच्च गोलकर्ताले २५ हजार रुपैयाँ पाउनेछन् । झन्डै ६० लाख रुपैयाँ खर्च हुने प्रतियोगितामा दर्शकका लागि अस्थाई प्यारापिटको समेत निर्माण गरिएको छ । चैत १७ को उद्घाटन खेलमा आयोजक म्याइभ्याली र नेपाल पुलिसबीच प्रतिस्पर्धा हुनेछ ।
