काठमाडौँ (हाम्रो खेलकुद) – नेपाल महिला राष्ट्रिय फुटबल टोलीले यहि जेष्ठ ८ र १० गतेका दिन मलेसियाको राष्ट्रिय महिला टोलीसंग २ मैत्रीपूर्ण खेल खेल्ने भएको छ।
अखिल नेपाल फुटबल संघले यसअघि १ खेल खेल्ने भनेपनि एन्फाको विशेष आग्रहमा मलेसियाले २ मैत्रीपूर्ण खेल खेल्न सहमत भएको बताएको छ। दुवै खेल मलेसिया स्थित कोटा किनाबालुको लिकास रंगशालामा खेलीनेछ।
नेपालले डिसेम्बर महिनामा भएको मैत्रीपूर्ण खेलमा मलेसियालाई १-०ले पराजित गरेको थियो। उक्त खेलमा सावित्र भण्डारीले नेपालको लागि विजयी गोल गरेकी थिइन्।
प्रशिक्षक कुमार थापाको नेतृत्वमा नेपाली टोली हाल दैनिक एन्फा कम्प्लेक्सको मैदानमा प्रशिक्षणरत रहेको छ।
