काठमाडौँ (हाम्रो खेलकुद) – अष्ट्रेलियाको भिक्टोरिया स्टेट अन्तर्गत नेसनल प्रिमिएर लिगको दोश्रो श्रेणीको लिगको सनसाइन जर्ज क्रस फुटबल क्लबबाट खेल्दै आएका नेपाली खेलाडी जगजित श्रेष्ठको टोलीले आफ्नो लिग चरण अन्तर्गत शनिबार भएको खेलमा जित दर्ता गरेको छ।
जगजितको टोलीले व्हीट्टलसी रेन्जर्स फुटबल क्लबलाई उसकै घरेलु मैदानमा ३-१ले पराजित गरेको हो। १४ खेलमा २१ अंक जोडेको जगजितको टोली अंक तालिकाको छैठौं स्थानमा उक्लिएको छ।
