काठमाडौँ (हाम्रो खेलकुद)- नेपाली राष्ट्रिय फुटबल टोलीले यहि जुन ६ तारिखमा भारतको राष्ट्रिय टोलीसंग मैत्रीपूर्ण खेल खेल्ने भएको छ। मुम्बईमा खेलिने खेल दुवै टोलीका लागि एसियन कप २०१९को छनोट खेलको राम्रो तयारी हुनेछ। अल इन्डिया फूटबल फेडेरेसनको निम्तोमा उक्त खेल आयोजना हुन लागेको हो।
नेपालले जुन १३मा एसियन कप २०१९को छनोट चरणको दोर्सो खेलमा यमनको सामना गर्दै छ। हल्चोकमा हुने उक्त खेलको लागि राष्ट्रिय टोलीले प्रशिक्षण सुरु गरिसकेको छ। प्रारम्भिक प्रशिक्षणमा बोलाईएका ३२ मध्ये ३ खेलाडी उपस्थित हुन सकेका छैनन्। रबिन श्रेष्ठ चोटका कारण बाहिर छन् भने किरण चेमजोङ र रोहित चन्द बिदेशी क्लबसंग आबद्द छन्।
