काठमाडौं (हाम्रो खेलकुद )- नेपाली मिडफिल्डर जगजित श्रेष्ठको अष्ट्रेलियन क्लब जर्ज सनसाइन एफसीले भिक्टोरिया प्रिमियर लिग अन्तर्गत शनिबार भएको खेलमा नर्थकोट एफसीसँग गोलरहित बराबरी खेलेको छ।
१५ खेलको समाप्तिमा जगजितको टोली २२ अंकसहित तालिकाको छैटौं स्थानमा छ। २० टोलीको सहभागिता रहेको लिगमा यो सिजन अब उनको टोलीको १३ बाँकी छ । जगजितको टोलीले १५ खेलमध्ये ६ जित, ४ बराबरी र ५ खेलमा हारको सामना गरेको छ।
