जाकार्ता (एजेन्सी)– नेपाली राष्ट्रिय टोलीका खेलाडी रोहित चन्दको क्लब इन्डोनेसियाको पर्सिजा जाकार्ताले लिगा १ मा अर्को बराबरी खेलेको छ । पर्सिजा र बाली युनाइटेडबीच आइतबार भएको खेल गोलरहित बराबरीमा टुंगिएको थियो ।
फाइल तस्बिर
२७ औं मिनेटमा लुइज जुनियरले पेनाल्टी चुकाएपछि रोहितको टोलीले अग्रताको मौका गुमाएको थियो । पहिलो रोजाइमा परेका रोहितले पुरै समय खेलेका थिए । अघिल्लो साता उनको टोली मिट्रा कुकारसँग १–१ को बराबरी खेलेका थियो ।
७ खेलपछि पर्सिजा ६ अंकसहित १५ औं स्थानमा छ ।७ खेलमा १ खेलमात्र जितेको पर्सिजाले ३ खेलमा बराबरी गरेको छ भने ३ खेल नै हारिसकेको छ ।
रेलिगेसन क्षेत्रमा रहेको टोलीभन्दा रोहितको टोलीको १ अंक मात्र बढी छ । १६ अंकसहित पिएसएम लिगा १ को शीर्षस्थानमा रहेको छ ।
