काठमाडौं (हाम्रो खेलकुद)– नेपाल र भारतको राष्ट्रिय फुटबल टोलीबीच मुम्बईस्थित अन्धेरी स्पोर्टस कम्प्लेक्समा मंगलबार भारतीय स्थानिय समय अनुसार साँझ ७ बजे सुरु हुने छ । नेपाली समय अनुसार खेल ७ः १५ मा सुरु हुनेछ ।
भारतको राष्ट्रिय टोलीको लेबनानसँग मैत्रीपूर्ण खेल रद्द भएपछि नेपालसँग खेल्ने पक्का गरेको थियो । खेलको प्रत्यक्ष प्रसारण भारतीय टेलिभिजन स्टार स्पोट्र्सले गर्ने बताइएको छ ।
एसियन कप छनोट चरण अन्तर्गत यमनसँग हुने खेलको तयारीका रुपमा रहेको भारतविरुद्धको मैत्रीपूर्ण खेलका लागि जापानिज प्रशिक्षक ग्योतोकु कोजीले आज २० सदस्यीय टोलीको घोषणा गरेका छन् ।
नेपाल र यमनबीच जेठ ३० गते शसस्त्र प्रहरी बलको हलचोकमा प्रतिस्धर्पा हुनेछ । एसियन कप छनोटको पहिलो खेल चैत १५ गते नेपाल फिलिपिन्ससँग उसकै मैदानमा ४–१ ले पराजित भएको थियो । नेपाली टोली आइतबार भारत प्रस्थान गर्नेछ ।
