जकार्ता (एजेन्सी)– रोहित चन्दले सानदार गोल गरेपछि पर्सिजा जाकार्ताले इन्डोनेसियाको लिगा १ मा शुक्रबार एरिमा फुटबल क्लबलाई २–० ले पराजित गरेको छ ।
लिगमा संघर्ष गरिरहेको पर्सिजाको यो सिजनको आठौं खेलमा तेस्रो जित मात्र हो । २ जित, ३ बराबरी र ३ हारपछि जाकार्ताको ९ अंकसहित १५ औं स्थानमा रहेको छ । घरेलु मैदानमा २३ औ मिनेटमा ब्राजिलियन स्ट्राइकर ब्रुनो लोपेजले जाकार्तालाई अग्रता दिलाएका थिए ।
त्यसको ५ मिनेट पछि रोहितले गोल गर्दै गोलअन्तरलाई दोब्बर पारे । राष्ट्रिय टोलीबाट भारतसँग मैत्रीपूर्ण खेलका लागि यात्रामा निस्कनु एक दिनअघि रोहित गोल गर्न सफल भएका हुन् । रोहितले पेनाल्टी बक्स बाहिरबाट गरेको कडा प्रहारलाई विपक्षी गोलकिपरले रोक्न सकेनन् ।
अंक तालिकामा छैठौ स्थानमा रहेको एरिमा फुटबल क्लबबाट यसअघि रोहित ट्रायलमा गएपछि छनोट हुन सकेका थिएनन् । भारतको मुम्बईमा नेपाल र भारतबीचको मैत्रीपूर्ण खेलका लागि रोहित शनिबार त्यसतर्फ लाग्ने अखिल नेपाल फुटबल संघ (एन्फा) ले यसअघि नै बताइसकेको छ ।
भिडियो
