सबिन शेर्मा
झापा – विर्ता युनाइटेड झापा प्रथम हल्दिबारी गाँउपालिका गोल्ड कप नकआउट फुटबल प्रतियोगिताको सेमिफाइनलमा पुगेको छ । पथरी स्पोर्टिङ क्लबलाई शुक्रबार ४–१ ले हराउँदै विर्ता युनाइटेड अन्तिम चारमा पुगेको हो ।
विकी चौधरीले विर्ताका लागि दुई गोल गरेको खेलमा विशाल राई र आशिष चापागाईले समान १ गोल गरे । पराजित टोलीका लागि एकमात्र गोल कप्तान दीपक राईले गरे । म्यान अफ दी म्याच घोषित पथरीका कप्तान दीपकले २ हजार रुपैयाँ प्राप्त गरे ।
जलथल एफसीको आयोजनामा जारी प्रतियोगिताको विजेताले उपाधिसहित १ लाख १ हजार १ सय ११ रुपैयाँ प्राप्त गर्नेछ । जेठ २३ गते सम्म चल्ने प्रतियोगिताको दोस्रो टोलीले ५१ हजार १ सय ११ रुपैयाँ पाउनेछ ।
त्यस्तै प्रतियोगिताको सर्वोत्कृष्ट खेलाडीले ६ हजार तथा उत्कृष्ट गोलकिपर, रक्षक, मिडफिल्ड, फरवार्ड र प्रशिक्षकले समान ४ हजार रुपैयाँ पाउनेछन् ।
