9 years ago
June 4, 2017
काठमाडौं (हाम्रो खेलकुद)– काठमाडौं जिल्लाका १० नगरपालिकाको सहभागिता प्रथम नगरकप फुटबल प्रतियोगिता मंगलबार सुरु हुने भएको छ । काठमाडौं महानरपालिका बाहेकका १० नगरपालिकाबीच हुने प्रतिस्पर्धाको विजेताले उपाधि १ लाख ११ हजार १ सय ११ रुपैयाँ जित्ने आइतबार आयोजित पत्रकार सम्मेलनमा जिल्ला खेलकुद विकास समितिका अध्यक्ष ध्रुबराज न्यौपानेलले जानकारी दिए ।
नगरभित्र रहेका फुटबल प्रतिभालाई मौका दिने उद्देश्यका साथ प्रतियोगिता आयोजना गर्न लागिएको अध्यक्ष न्यौपानेले जानकारी दिए । त्रिपुरेश्वरस्थित दशरथ रंगशालामा हुने प्रतियोगिताको दोस्रो हुने टोलीले ५१ हजार १ सय ५१ र तेस्रो हुने टोलीले २५ हजार १ य ५१ रुपैयाँ प्राप्त गर्नेछन् ।
त्यस्तै प्रतियोगिताको सर्वोत्कृष्ट खेलाडीले १० हजार तथा प्रतियोगिताका उत्कृष्ट गोलपिकर,रक्षक, मिडफिल्ड र फरवार्डले समान ५ हजार रुपैयाँ प्राप्त गर्नेछन् ।
जिल्ला समन्वय समिति कार्यालय काठमाडौंको आयोजना रेको प्रतियोगितामा सहभागी १० नगरपालिका सह आयोजक तथा जिल्ला खेलकुद विकास समिति काठमाडौंको व्यवस्थापन रहनेछ । काठमाडौंका स्थानिय विकास अधिकारी गोपाल अधिकारीले स्थानिय निर्वाचनका कारण यसअघि दुई पटक तय गरेको प्रतियोगिता आयोजना हुन नसकेको बताए । उनले नगरहरुबीच समन्वयका लागि पनि फुटबललाई छनोट गरिएको बताए ।
प्रतियोगितामा कागेश्वरी मनोहरा, शंकरापुल, गोकर्ढोश्वर, बुढानिलकण्ठ, तारकेश्वर, टोखा, नागार्जुन, चन्द्रागिरी, कीतिपुर र दक्षिणकाली रहेका छन् । सहभागी टोलीको खेलाडी अनिवार्य रुपमा सोही नगरपालिकाको बासिन्दा हुनुपर्ने बताइएको छ ।
झन्डै १८ लाख रुपैयाँ खर्च हुने अनुमान गरिएको प्रतियोगिता सञ्चालनका लागि सहभागी नगरपालिकाले समान १ लाख र बाँकी ८ लाख जिल्ला समन्वय समिति कार्यालय काठमाडौंले उपलब्ध गराउने जिल्ला खेलकुद विकास समितिका उपाध्यक्ष ब्रदी भट्टराईले जानकारी दिए ।
यसैबीच, जिल्ला समन्वय समितिले नै पूर्वाञ्चलमा गत बर्ष सम्पन्न सातौं राष्ट्रिय खेलकुदमा काठमाडौंलाई पद दिलाउने खेलाडीलाई नगदसहित सम्मान गर्ने बताएको छ । प्रतियोगिताको मंगलबार बिहान हुने उद्घाटन खेल काठमाडौं मेयर तथा राजनैतिक दल तथा जिल्ला समन्वय समिति, जिल्ला खेलकुद विकास समिति र सरकारी कार्यालय प्रमुखहरुको टोलीबीच मैत्रीपूर्ण खेल खेलिन्छ ।
पहिलो पटक आयोजना हुने नगर कपको आयोजनाको समिक्षापछि अर्को बर्ष पुनः नगर कप गर्ने नगर्ने टुंगो लगाइने बताए । प्रतियोगितामा एन्फाको प्राविधिक सहयोग रहने जिल्ला खेलकुद विकास समितिका अध्यक्ष न्यौपानेले जानकारी दिए ।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
