9 years ago
June 4, 2017
काठमाडौं (हाम्रो खेलकुद) – क्लब फुटबलको सबैभन्दा सफल टोली स्पेनिस रियल मड्रिडको प्रशिक्षण क्याम्प शनिबारबाट काठमाडौंमा शुरु हुदैछ । रियल मड्रिड फाउन्डेसन र शुभारम्भ एजुकेशन एण्ड स्पोर्टस् टुर्स प्रालिको संयुक्त आयोजनामा यु–१८ फुटबल प्रशिक्षण हुन लागेको हो ।
पाँचदिने प्रशिक्षण क्याम्पलाई १२ औं पटक च्याम्पियनस लिग जित्न सफल रियल मड्रिड क्लबका पूर्व खेलाडी तथा युइएफए को ‘ए’ लाइसेन्स प्राप्त प्रशिक्षकद्धय ड्यानियल ल्याण्डबुरु रोटेला र राफायल पालसियसले प्रशिक्षण दिनेछन् । उनीहरु शनिबार साँझ नै नेपाल आइसकेका छन् । उनीहरुलाई नेपालका ६ प्रशिक्षक थम्मन भुषाल, सनोज श्रेष्ठ, विना श्रेष्ठ, राजु श्रेष्ठ, नवीन महर्जन र हरि लामाले सहयोग गर्नेछन् । प्रशिक्षण क्याम्पमा काठमाडौं र मोफसलबाट गरी ६५ जना युवा खेलाडीले सहभागिता जनाउने शुभारम्भका प्रवन्ध निर्देशक विजय कुमार खत्रीले जानकारी गराए । मोफसलका खेलाडीमा पोखरा र चितवनका रहेका छन् ।
प्रशिक्षण चोभारस्थित मोर्डन इण्डियन स्कुलको खेलमैदानमा दिनको दुई सत्रमा हुनेछ । यसबीचमा खेलाडीहरुले फिटनेस, स्किल, रणनीति, लिडरसिप र भ्यालुबारे सिक्ने मौका पाउनेछ । प्रशिक्षणबाट उत्कृष्ट हुने एक खेलाडीले सिंगापुरमा रहेको रियल मड्रिडको एकेडेमीमा पाँचदिने प्रशिक्षण क्याम्पमा निशुल्क प्रशिक्षण लिन पाउनेछ । ट्रेनिङ क्याम्पमा प्रतिव्यक्ति सहभागिता शुल्क ३५ हजार रहेको छ । राफेल रियल मड्रिड फाउण्डेसन सिंगापुरको असिसटेन्ट टेक्निकल डिरेक्टरका रुपमा कार्यरत छन् ।
आयोजकका अनुसार उक्त अवधिभर सहभागिलाई प्रशिक्षणका साथै खाना, यातायात र रियल मड्रिडको फुटबल किट उपलब्ध गराइने छ ।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
