9 years ago
June 9, 2017
काठमाडौं (हाम्रो खेलकुद) – शुभारम्भ एजुकेशन एण्ड स्पोर्टस् टुर्स प्रालि र स्पेनिस फुटबल टोली रियल मड्रिड अन्तर्गतको रियल म्याड्रिड रियल मड्रिड फाउन्डेसनको संयुक्त आयोजनामा भएको रियल म्याड्रिड यु–१८ फुटबल प्रशिक्षण आज सम्पन्न भएको छ।
कुल ६५ खेलाडी सम्मिलित ५ दिने प्रशिक्षण कार्यक्रम चोभारस्थित मोडर्न इन्डियन स्कुलको खेलमैदानमा आयोजना भएको थियो। पाँचदिने प्रशिक्षण क्याम्पमा १२ औं पटक च्याम्पियनस लिग जित्न सफल रियल मड्रिड क्लबका पूर्व खेलाडी तथा युइएफए को ‘ए’ लाइसेन्स प्राप्त प्रशिक्षकद्धय ड्यानियल ल्याण्डबुरु रोटेला र राफायल पालासियसले प्रशिक्षण दिएका थिए। उनीहरुलाई नेपालका ६ प्रशिक्षक थम्मन भुषाल, सनोज श्रेष्ठ, विना श्रेष्ठ, राजु श्रेष्ठ, नवीन महर्जन र निर्मल लामाले सहयोग गरेका थिए।
प्रशिक्षण कार्यक्रमका दौरानमा खेलाडीहरुले फिटनेस, स्किल, रणनीति, लिडरसिप र भ्यालुबारे सिक्ने मौका पाए। समापन समारोहमा बोल्दै प्रशिक्षक रोटेलाले नेपाली खेलाडीहरुको प्रतिभा देखेर आफू प्रभावित भएको बताए। उनले खेलाडीहरुले मैदानभित्र मात्र नभएर मैदान बाहिर पनि उत्तिकै अनुशासित देखेर खुसि लागेको अभिव्यक्ति दिए। यसगरी अर्का प्रशिक्षक पालासियसले खेलाडीहरुको खेल भावनाप्रति खुसि व्यक्त गर्दै अभिभावकहरुलाई यस्तो कार्यक्रमप्रति रुची देखाएकोमा धन्यवाद दिए। कार्यक्रममा सहभागी सम्पूर्ण प्रशिक्षार्थी’लाई रियल म्याड्रिड फाउन्डेसनले सहभागिताको प्रमाणपत्र प्रदान गरेको थियो।
प्रशिक्षकद्वय रोटेला र पालासियसले प्रशिक्षणबाट उत्कृष्ट छानिएका खेलाडी विदित मान तुलाधरले सिंगापुरमा रहेको रियल मड्रिडको एकेडेमीमा पाँचदिने प्रशिक्षण क्याम्पमा निशुल्क प्रशिक्षण लिन जानकारी दिए। उक्त प्रशिक्षणमा सहभागी हुने सम्पूर्ण खर्च आयोजकले व्येहोरनेछ। प्रशिक्षक राफेल रियल मड्रिड फाउण्डेसन सिंगापुरको असिसटेन्ट टेक्निकल डिरेक्टरका रुपमा कार्यरत छन् ।
प्रशिक्षण क्याम्प भव्य रुपमा सफल भएको र आगामी वर्षमा पनि यस्ता कार्यक्रमहरु आयोजना गर्ने शुभारम्भका प्रवन्ध निर्देशक विजय कुमार खत्रीले जानकारी गराए ।
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
December 19, 2025
एजेन्सी – डेभिड नेरेस र रास्मुस होयलुन्डको गोलमा नापोलीले एसी मिलानलाई २-० ले हराउँदै इटालियन सुपर कपको फाइनल पुगेको छ। नापोलीले खेलको दुवै हाफमा गोल गर्दै जित निकाल्यो। यो जितसँगै नापोलीले अब शुक्रबार हुने अर्को सेमिफाइनल बोलोन्या र इन्टरबीचको खेलको विजेतासँग फाइनल खेल्नेछ। सुपर कपको फाइनल डिसेम्बर २२ मा हुनेछ। खेलको सुरुआतमै नापोलीले अग्रता लिने […]
December 18, 2025
एजेन्सी – पेरिस सेन्ट-जर्मेन (पिएसजी) ले ब्राजिलियन टोली फ्लामेङ्गोलाई पेनाल्टीमा २-१ ले हराउँदै इन्टरकन्टिनेन्टल कप जितेको छ । पिएसजीको वर्षको यो छैटौँ उपाधि हो । पेनाल्टी सुटआउटमा परिवर्तित गोलकिपर मत्वेई सफोनोभ नायक बने । उनले लगातार ४ पेनाल्टी बचाउँदै पिएसजीको जित पक्का गरे। च्याम्पियन्स लिग विजेता पिएसजीले गत वर्ष पहिलो संस्करणको उपाधि जितेको रियल मड्रिडको […]
