7 years ago
June 9, 2017
काठमाडौँ (हाम्रो खेलकुद) – शुभारम्भ एजुकेशन एण्ड स्पोर्टस् टुर्स प्रालि र स्पेनिस फुटबल टोली रियल मड्रिड अन्तर्गतको रियल म्याड्रिड रियल मड्रिड फाउन्डेसनको संयुक्त आयोजनामा भएको रियल म्याड्रिड यु–१८ फुटबल प्रशिक्षणबाट प्रशिक्षकले उत्कृष्ट खेलाडी विदित मान तुलाधरलाई सिंगापुरस्थित रियल म्याड्रिड फाउन्डेसनमा प्रशिक्षणका लागि छनोट गरेका छन्। कुल ६५ खेलाडी सम्मिलित ५ दिने प्रशिक्षण कार्यक्रम चोभारस्थित मोडर्न इन्डियन […]
काठमाडौँ (हाम्रो खेलकुद) – शुभारम्भ एजुकेशन एण्ड स्पोर्टस् टुर्स प्रालि र स्पेनिस फुटबल टोली रियल मड्रिड अन्तर्गतको रियल म्याड्रिड रियल मड्रिड फाउन्डेसनको संयुक्त आयोजनामा भएको रियल म्याड्रिड यु–१८ फुटबल प्रशिक्षणबाट प्रशिक्षकले उत्कृष्ट खेलाडी विदित मान तुलाधरलाई सिंगापुरस्थित रियल म्याड्रिड फाउन्डेसनमा प्रशिक्षणका लागि छनोट गरेका छन्।
कुल ६५ खेलाडी सम्मिलित ५ दिने प्रशिक्षण कार्यक्रम चोभारस्थित मोडर्न इन्डियन स्कुलको खेलमैदानमा आयोजना भएको थियो। पाँचदिने प्रशिक्षण क्याम्पमा १२ औं पटक च्याम्पियनस लिग जित्न सफल रियल मड्रिड क्लबका पूर्व खेलाडी तथा युइएफए को ‘ए’ लाइसेन्स प्राप्त प्रशिक्षकद्धय ड्यानियल ल्याण्डबुरु रोटेला र राफायल पालासियसले प्रशिक्षण दिएका थिए। उनीहरुलाई नेपालका ६ प्रशिक्षक थम्मन भुषाल, सनोज श्रेष्ठ, विना श्रेष्ठ, राजु श्रेष्ठ, नवीन महर्जन र निर्मल लामाले सहयोग गरेका थिए।
विदेशी प्रशिक्षकद्वय रोटेला र पालासियसले ६५ खेलाडीमध्य उत्कृष्ट रहेका विदितलाई चुन्दै उनलाई सिंगापुर लग्ने भएका हुन्। १४ वर्षका विदित रोजबड स्कुलमा पढ्दै आएका छन्। ग्रासरुट्स फुटबल एकेडेमीमा प्रशिक्षण गर्दै आएका विदित डिफेन्डर हुन्।
प्रशिक्षक रोटेला र पालासियसले थुप्रै खेलाडीबाट १ जना खेलाडीको नाम भन्न निकै कठिनाइ भएपनि विदित उत्कृष्ट मध्येका उत्कृष्ट रहेकाले उनलाई चुनिएको बताए। विदितले आफु छनोट भएपछि खुसि व्यक्त गर्दै यो अवसरको भरपुर फाइदा लिने बताए। “मलाई म आफैं छनोट हुन्छु जस्तो लागेको थिएन, तर अब यस्तो अवसरलाई म सक्दो उपयोग गर्नेछु। मा एकदम मिहेनत गरेर राम्रो खेलाडी बन्ने प्रयास गर्नेछु।”
विदितका प्रशिक्षक राजु श्रेष्ठले पनि विदित एकदम राम्रो खेलाडी रहेको बताए। ग्रासरुट फुटबल एकेडेमीका टेक्निकल डाइरेक्टर समेत रहेका उनि विदितका स्कुलका प्रशिक्षक पनि हुन्। “विदित एकदम अनुशासित र मेहेनती खेलाडी हुन्। मलाई उनको प्रतिभामा पूर्ण विश्वास छ र उनले त्यहाँ पनि राम्रो गर्नेछन्। उनि एक कुशल खेलाडी सँगै राम्रा विद्यार्थी पनि हुन्। अध्ययनमा पनि उनि अब्बल दर्जामा आउने गर्दछन्।”
शुभारम्भ एजुकेशन एण्ड स्पोर्टस् टुर्स प्रालिका प्रबन्ध निर्देशक विजय कुमार खत्रीले विदेशमा गएर नेपाली खेलाडीलाई प्रशिक्षण गर्ने मंच प्रदान गर्न पाउँदा निकै खुसि महसुस भएको बताए। “हामीले नेपालमै विदेशी प्रशिक्षकहरुलाई निम्त्याएर नेपाली खेलाडीहरुलाई उच्च दर्जाको प्रशिक्षण प्रदान गर्ने लक्ष्य राखेका थियौं। हाम्रो त्यस लक्ष्य पुरा भएसँगै १ खेलाडीले विदेशमा गएर थप प्रशिक्षण गर्न पाउँदा हामी हर्षित छौँ। हामीलाई यस कार्यक्रमले थप उर्जा प्रदान गरेको छ र आउने दिनमा पनि यस्ता कार्यक्रमहरु संचालन गर्न हौसला मिलेको छ।”
विदितको सिंगापुर जाने सम्पूर्ण खर्च आयोजाकले व्यहोर्नेछ। उनको सिंगापुर जाने कार्यक्रम बारे सिंगापुरस्थित रियल म्याड्रिड फाउन्डेसनसँग समन्वय गरेर छिट्टै प्रक्रिया थालिने खत्रीले जानकारी दिए।
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]