काठमाडौँ (हाम्रो खेलकुद) – रौतहटलाई फाइनल खेलमा पराजित गर्दै ताप्लेजुङले एन्फा महिला लिग च्याम्पियनसीप फुटबल प्रतियोगिता २०७४को उपाधि जितेको छ।
अखिल नेपाल फुटबल संघको कार्यक्रम अुनसार पाल्पा र स्याङ्गजा जिल्ला फुटबल संघको समन्वयमा संचालन भईरहेको एन्फा महिला लिग च्याम्पियनसीप फुटबल प्रतियोगिता २०७४ अन्तर्गत पाल्पामा आज भएको फाईनल खेलमा ताप्लेजुङ्ग महिला फुटबल टिमले रौतहट महिला फुटबल टिमलाई २–० गोलले पराजित गर्दै च्याम्पियन बन्न सफल भएको हो । ताप्लेजुङ्गका लागि भुजुङ्गा राईले २३ र ५५ मिनेटमा गोल गरेकी थिइन्।
प्रतियोगिताको विजेता ताप्लेजुङ महिला फुटबल टिमले नगद र ३ लाख सहित विजेता ट्रफी प्राप्त गर्यो भने उपविजेता रौतहट महिला फुटबल टिमले नगद र १ लाख ५० हजारमा चित्त बुझायो।
त्यस्तै प्रतियोगिताको उत्कृष्ट गोलकिपर ताप्लेजुङकी लिला लामगादे, उत्कृष्ट डिफेन्डर ताप्लेजुङकी गिता राना, उत्कृष्ट मिडफिल्डर ताप्लेजुङकी अनिता बस्नेत, उत्कृष्ट फरवार्ड रौतहटकी रश्मि कुमारी घिसिङ्ग तथा उत्कृष्ट प्रशिक्षक ताप्लेजुङका देब कुमार मादेन हुन सफल भएका छन् । उत्कृष्ट सबैले नगद रु १५ हजार प्राप्त गर्न सफल भएका छन् ।
