काठमाडौँ (हाम्रो खेलकुद) – एएफसी एसियन कपको छनोट चरण अन्तर्गतको दोश्रो खेलमा नेपालले यमनको सामना गर्दैछ। हलचोक स्थित एपीएफ रंगशालामा हुने उक्त खेलको लागि टिकट विक्री हिजो बाट सुरु भइसकेको छ।
इसेवाले शनिबार १० बजे देखि टिकट बेच्न सुरु गरेको थियो। अझै पनि केहि मात्रामा टिकट बाँकी रहेको जानकारी सम्बन्धित पक्षले दिएको छ। रु. १ हजारको दरले ७०० थान टिकट बेचिने एन्फाले यसअघिनै जानकारी दिएको थियो।
टिकट किन्नका लागि इसेवा खाता हुने समर्थकले football.esewa.com.npमा गएर आफैं खरिद गर्न सकिनेछ भने इसेवा नभएका समर्थकले नजिकैको इसेवा एजेन्टमार्फत टिकट खरिद गर्न सक्नेछन्। काठमाडौँभरि इसेवाका ५ हजार एजेन्ट रहेको इसेवाले बताएको छ।
टिकट खरिद गर्नेले मैदानमा आउँदा अनिवार्य रुपमा आफ्नो परिचयपत्र बोक्नुपर्ने पनि उल्लेख गरिएको छ।
टिकटको नमुना
