7 years ago
June 12, 2017
काठमाडौँ (हाम्रो खेलकुद) – यमनको राष्ट्रिय फुटबल टोलीका प्रशिक्षक अब्राहम मेब्राटुले आफु नेपाली टोलीसँग परिचित रहेको र नेपाली टोलीलाई सम्मान गर्ने बताए। प्रशिक्षक मेब्राटुले युद्धका कारण यमनमा लिग हुन नसकेकाले टोलीलाई केहि समस्या रहेको बताए। “हामीले डेढ महिना प्रशिक्षण गरेर नेपाल आएका हौँ। यस खेलको तयारीका लागि काएरोमा इजिप्टका केहि क्लबसँग मैत्रीपूर्ण खेल पनि खेलेका […]
काठमाडौँ (हाम्रो खेलकुद) – यमनको राष्ट्रिय फुटबल टोलीका प्रशिक्षक अब्राहम मेब्राटुले आफु नेपाली टोलीसँग परिचित रहेको र नेपाली टोलीलाई सम्मान गर्ने बताए।
प्रशिक्षक मेब्राटुले युद्धका कारण यमनमा लिग हुन नसकेकाले टोलीलाई केहि समस्या रहेको बताए। “हामीले डेढ महिना प्रशिक्षण गरेर नेपाल आएका हौँ। यस खेलको तयारीका लागि काएरोमा इजिप्टका केहि क्लबसँग मैत्रीपूर्ण खेल पनि खेलेका छौँ। हामी खेल जित्ने लक्ष्य लिएर आएका हौँ र त्यसमा सफल हुनेमा पूर्ण विश्वास छ।”
टोलीका ५ खेलाडी विदेशी लिगमा व्यस्त रहेका कारण अनुपस्थित रहेको पनि उनले जानकारी दिए। “हाम्रा ९ खेलाडी विदेशी लिगमा खेल्दै आएका छन् तर ४ जनामात्र अहिले टोलीमा आवद्ध रहेका छन्। बाँकी खेलाडीलाई क्लबले छाड्न नमानेकाले उपस्थित रहेका छैनन्।” उनले यमनका खेलाडीहरु बहराइन, ओमान र साउदी अरेबियाको लिगमा खेल्दै आएको जानकारी दिए।
प्रशिक्षक अब्राहमले उनको नेपालसँग यो तेश्रो खेल रहेको र विगतझैं यसमा पनि सफलता हात पार्ने विश्वास गरे। “मैले यसअघि सन् २०१३मा नेपालमै यू-२२ टोली र २०१४मा कतारमा भएको मैत्रीपूर्ण खेलमा सिनियर टोलीसँग नेपाललाई पराजित गरिसकेको छु। त्यस समयका खेलाडीहरु अहिलेको टोलीमा छन् र म फेरी नतिजा आफ्नो पोल्टामा पार्ने कोशिशमा हुनेछु।”
उनले फुटबल शान्तिको प्रतिक रहेको र यसले आपसी भाइचारा र देशहरु बिचको सम्बन्धमा पनि सुधार ल्याउने बताए। यमन हाल युद्धमा होमिएको र नेपालमा राम्रो नतिजा ल्याएर देशमा रहेका जनतालाई खुसि दिलाउन प्रयास गर्ने जानकारी दिए।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]