जाकार्ता (एजेन्सी)– राष्ट्रिय टोलीका मिडफिल्डर रोहित चन्दको व्यवसायिक क्लब पर्सिजा जाकार्ताले इन्डोनेसिया लिगा १ मा शुक्रबार जित हासिल गरेको छ । रोहित पहिलो रोजाइमा नपरेको खेलमा पर्सिजाले श्रीविजायालाई १–० ले हराएको थियो ।
फाइल तस्बिर
हिजो मात्र नेपालबाट इन्डोनेसिया पुगेका कारण पनि रोहितलाई आराम दिइएको हुन सक्छ । यद्दपी रोहितलाई दोस्रो हाफको पहिलो मिनेटमै मैदान प्रवेश गराइएको थियो । विलियम पाकहिकोले दोस्रो मिनेटमा गरेको गोलनै पर्सिजाको जितका लागि पर्याप्त रहेको थियो ।
टोलीको यो लगातार चौथो जित हो । केही साताअघि सम्म निकै पछि रको पर्सिजा जाकार्ता अहिले चौथो स्थानमा रहन सफल भएको छ । ११ खेलमा ५ जित ३ बराबर र त्यत्ति नै हारका साथ टोलीको १८ अंक पुगेगेको छ । शीर्षस्थानमा रहेको माडुरा युनाइटेडको २२ अंक छ ।
एसियन कप छनोटअन्र्गत मंगलबार यमनसँगको होम म्याच खेलेर रोहित बुधबार इन्डोनेसिया प्रस्थान गरेका थिए । यमनविरुद्ध उनले पुरा ९० मिनेट खेलेका थिए । जुन खेलमा नेपाल र यमनले गोलरहित बराबरी खेलेका थिए । एसियन कपमा पहिलो खेल फिलिपिन्ससँग ४–१ ले गुमाएपनि अर्को खेलमा यमनसँग बराबरी खेल्दै नेपालले पहिलो अंक जोडेको थियो ।
