7 years ago
June 20, 2017
काठमाडौं (हाम्रो खेलकुद) – नेपाली सेनाको त्रिभुवन आर्मी क्लबको पुरुष र महिला फुटबल टोलीलाई गोल्छा अर्गानाइजेसनको ‘बजाज पल्सर’ले मुख्य प्रायोजन गरेको छ। राजधानीमा मंगलबार एक कार्यक्रमका बीच गोल्छा अर्गनाइजेसन र त्रिभुवन आर्मी क्लबबीच वार्षिक २५ लाखमा तीन वर्षको ७५ लाखको प्रायोजन सम्झौता भएको हो। प्रायोजन सम्झौतापत्रमा नेपालमा बजाज बाइकको अधिकृत बिक्रेता हंसराज हुलासचन्द प्रालिका उपप्रमुख […]
काठमाडौं (हाम्रो खेलकुद) – नेपाली सेनाको त्रिभुवन आर्मी क्लबको पुरुष र महिला फुटबल टोलीलाई गोल्छा अर्गानाइजेसनको ‘बजाज पल्सर’ले मुख्य प्रायोजन गरेको छ। राजधानीमा मंगलबार एक कार्यक्रमका बीच गोल्छा अर्गनाइजेसन र त्रिभुवन आर्मी क्लबबीच वार्षिक २५ लाखमा तीन वर्षको ७५ लाखको प्रायोजन सम्झौता भएको हो।
प्रायोजन सम्झौतापत्रमा नेपालमा बजाज बाइकको अधिकृत बिक्रेता हंसराज हुलासचन्द प्रालिका उपप्रमुख योगेन गुरुङ र सैनिक तथा तालिम केन्द्रका उपरथी देव कुमार सुवेदीले हस्ताक्षर गरे। सम्झौता अनुसार क्लबले नगद लिनेछैन भने जर्सी लगायत खेलसामग्री प्राप्त गर्नेछ। प्रायोजनबापत अब आर्मी क्लबले खेल्ने सम्पूर्ण प्रतियोगितामा बजाज पल्सर लोगो अंकित जर्सी तथा खेल सामग्रीहरु प्रयोग गर्नेछ।
प्रायोजन सम्झौता पछि हंसराज हुलासचन्द बजाजका प्रबन्ध निर्देशक शेखर गोल्छाले आर्मीसँग जोडिन पाउनु कम्पनीको लागि सौभाग्यको कुरा रहेको बताए। ‘कम्पनीले खेललाई सधैं प्राथमिकतामा राखेको छ । हामीले यसअघि जावलाखेललाई पनि प्रायोजन सम्झौता गरेको थियौं।’ गोल्छाले भने, ‘यसपटक राम्रो फुटबल खेलिरहेको आर्मी जस्तो बलियो टिमसँग जोडिन पुगेको छौं ।’ उनले प्रायोजनलाई व्यवसायिक रुपमा मात्र नहेरेको बताउदै सेनाको टोली नेपाली खेलकुदमा उत्कृष्ट टोली रहेको र टोलीमा रहेका खेलाडीले अन्तर्राष्ट्रिय खेलमा उच्च प्रदर्शन गर्दै आएको बताए ।
बजाजले नेपाली खेलकुदमा लामो समयबाट प्रायोजन गर्दै आइरहेको छ । बजाज पल्सरले नेपाल खेलकुद पत्रकार मन्चले वार्षिक रुपमा गर्दै आएको ‘पल्सर स्पोर्ट्स अवार्ड’ लाई पनि प्रायोजन गर्दै आएको छ । यस्तै सम्झौतापछि बोल्दै सैनिक तथा तालिम केन्द्रका उपरथी देव कुमार सुवेदीले नेपाली सेनालाई प्रयोजन गरेकोमा आभार व्यक्त गरे । उनले यस प्रयोजन फुटबल टोलीहरुका लागि मात्र रहेको र अन्य कुनै कम्पनिले अरु कुनै खेलमा प्रयोजन गर्न चाहेमा स्वागत गर्ने बताए।
कार्यक्रममा पुरुष टोलीका कप्तान भारत खवास र महिला टोलीकी कप्तान अन्चाली वाइवाले आर्मीले प्रयोग गर्ने ‘पल्सर’ अंकित नयाँ जर्सी प्रदर्शन गरेका थिए।
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]