काठमाडौँ (हाम्रो खेलकुद) – आगामी असार ३१ गतेदेखि सुरु हुने एएफसी यू२३ च्याम्पियनसिप छनोट चरणका लागि नेपाली यू२३ राष्ट्रिय टोलीको प्रशिक्षकको जिम्मा राजु काजी शाक्यले पाएका छन्।
यसअघी एन्फाले प्रशिक्षक मेघराज केसीले टोलीको प्रशिक्षण सम्हाल्ने भनेपनि समयअभावको कारणले उनले जिम्मेवारी नलिने निर्णय गरेका थिए। उनको अनुपस्थितिमा प्रशिक्षक शाक्यले टोलीको जिम्मेवारी लिने भएका हुन्।
शाक्यकै प्रशिक्षक्त्वमा नेपालले सन् २०१६को दक्षिण एसियाली खेलकुदमा स्वर्ण पदक जितेको थियो। टोलीले गत शुक्रबार देखिनै प्रशिक्षण सुरु गरिसकेको छ। टोलीको सहायक प्रशिक्षकमा प्रकाश अर्याल रहेका छन् भने गोलरक्षक प्रशिक्षकमा मृगेन्द्र मिश्र तोकिएका छन्।
शाक्य हाल राष्ट्रिय टोलीको सहायक प्रशिक्षक पनि हुन्। टोलीले एएफसी सोलिडारिटी कपको उपाधि जित्दा उनि टोलीका सदस्य थिए।
नेपालको समूहमा आयोजक युएई, उज्बेकिस्तान र लेबनान रहेका छन्।
