काठमाडौँ (हाम्रो खेलकुद) – नेपाली यू १९ राष्ट्रिय टोलीका पूर्व खेलाडी विवेक प्रताप पन्तलाई अष्ट्रेलियाको न्यु साउथ वेल्सको नेसनल प्रिमियर लिगको टोली पार्रामात्ता फुटबल क्लबले अनुबन्धित गरेको छ।
यसअघि अष्ट्रेलियाका अन्य क्लबबाट फुटबल खेलिरहेका विवेकलाई अष्ट्रेलियाको दोश्रो श्रेणीको लिगमा रहेको क्लबले रोजेको हो। उनले गत सिजन न्यु साउथ वेल्सको नेसनल प्रिमियर लिग ३ मा रहेको ग्लाड्सभिल राइड म्याजिक फुटबल क्लबबाट खेलेका थिए। उक्त क्लब अहिले विवेकलाई अनुबन्धन गरेको क्लबभन्दा २ श्रेणी तल रहेको छ।
ग्लाड्सभिल क्लबबाट खेल्दा विवेक (तल्लो पंक्तिको बायाँपट्टि)
तस्बिर: विवेकको इन्स्टाग्राम
विवेकले आफु नयाँ क्लबमा अनुबन्धित हुँदा खुसी महसुस भएको बताएका छन्। अष्ट्रेलियाको यस डिभिजनमा एक क्लबले २ विदेशी खेलाडी अनुबन्धन गर्न पाउने प्रावधान छ।
अर्का नेपाली खेलाडी जगजित श्रेष्ठ हाल भिक्टोरियाको नेसनल प्रिमिएर लिग २ मा खेलिरहेका छन्। जगजित खेलेको क्लब नुनावाडीङ विवेकको क्लब पार्रामात्ताभन्दा एक श्रेणी तल रहेको क्लब हो।
