काठमाडौँ (हाम्रो खेलकुद ) – एएफसी यू२३ च्याम्पियनसिप अन्तर्गत नेपालले समूह ‘डि’को दोश्रो खेलमा उज्बेकिस्तानको सामना गर्दै छ। पहिलो खेलमा कमजोर सुरुवात गर्दै घरेलु टोलीसँग ५-० ले पराजित भएको नेपाललाई छनोटको सम्भावनालाई जिवितै राख्न जित्नै पर्ने दबाब रहेको छ। नेपाल र उज्वेकिस्तानबिचको खेल नेपाली समयानुसार रातको ८:१० बजे सुरु हुनेछ।

पहिलो खेलमा लेबनानलाई ३-१ ले हराएको उज्बेकिस्तानसँग नेपालले जुलाई १७मा स्थानिय समय अनुसार ६ बजेर २५ मिनेटमा खेल्दै छ। पहिलो खेलमा खराब सुरुवात गरेको नेपालको छनोट हुने सम्भावना निकै थोरै छ। हाल समुहको पुछारमा रहेको नेपालले अब छनोटको सम्भावना कायम राख्न बाँकी दुई खेलमा ठुलो अन्तरको जित दर्ता गर्नुपर्ने हुन्छ। प्रतियोगिताको नियमावली अनुसार समूह चरणका शीर्ष टोली र ५ उत्कृष्ट उपविजेता टोली अन्तिम चरणका लागि छनोट हुन्छन्।

खेलको जानकारी –नेपाल यू२३ विरुद्ध उज्बेकिस्तान  यू२३

खेल हुने मिति                   – २०७४ श्रावण २ गते, सोमबार

खेल समय                       –  नेपाली समय अनुसार बेलुकी ८ बजेर १० मिनेटमा सुरु हुने

खेल मैदान                       – युएईको अल इन स्थित ताह्नोन बिन मोहम्मद रंगशाला

लाइभ कसरि हेर्ने              – हाम्रो खेलकुदको फेसबुक पेजमा लाइभ आउने