स्पेन (एजेन्सी) – बार्सिलोनाले यस सिजनको ट्रान्सफर विन्डोमा लिभरपुलका आक्रामक मिडफिल्डर फिलिपे कौटिन्होलाई भित्र्याउनेमा विश्वस्त रहेको बुझिएको छ। बार्सिलोनाले १ सय मिलियन युरोको प्रस्ताव राखेर कौटिन्होलाई बार्सिलोना भित्र्याउने तयारी गरिरहेको छ।

पिएसजीले नेयमारलाई विश्व कीर्तिमानी रकममा अनुबन्ध गरेको खण्डमा उक्त रकम प्रयोग गरेर लिभरपुलबाट ब्राजिलियन मिडफिल्डर ल्याउने लागेको हो। लिभरपुलले ठुलो प्रस्ताबलाई नकार्न नसक्ने र कौटिन्हो पनि बार्सिलोनाको सम्झौता प्रति आकर्षित हुने विश्वास बार्साले लिएको छ। यद्दपी लिभरपुलले भने कौटिन्हो कुनै हालतमा पनि बिक्रि नहुने र क्लबमै रहने बताउँदै आएको छ।

पछिल्लो सिजन लिभरपुलका लागि १३ गोल र ७ असिस्ट प्रदान गरेका कौटिन्होलाई बार्सिलोनाले यसअघिनै किन्ने प्रयास गरेको थियो। तर बार्सिलोनाले सुरुवातमा गरेको ७२ मिलियन पाउण्डको प्रस्ताब लिभरपुलले नकारेको थियो। बार्सिलोनाले नेयमारको प्रस्थानसँगै क्लबमा कौटिन्होलाई अनुबन्धन गरेर टोलीलाई थप मजबुत बनाउने प्रयास गर्ने लक्ष्य राखेको छ।

लिभरपुलको लागि महत्त्वपूर्ण भूमिका खेल्दै आएका कौटिन्हो इन्टर मिलानबाट एक थिए। एनफिल्डमा पाँच सिजन बिताईसकेका कौटिन्हो लिभरपुलका समर्थकहरुमाझ निकै लोकप्रिय मानिन्छन्। उनले गत सिजन मात्र लिभरपुलसँग नयाँ सम्झौता गरेका थिए।