म्युनिख (एजेन्सी) – प्रि-सिजन अन्तर्गत बायर्न म्युनिखको घरेलु मैदान आलियान्ज एरिनामा जारी अडी कप अन्तर्गत फाइनल खेलमा लिभरपुलले एटलेटिको म्याड्रिडको सामना गर्दैछ। उक्त खेलमा खेल्न लिभरपुलका पूर्व खेलाडी एवं एटलेटिकोका स्ट्राइकर फर्नान्डो टोरेस उत्साहित रहेको बताएका छन्।

सन् २०११ लिभरपुलबाट ५० मिलियन पाउण्डमा चेल्सी पुगेका टोरेसले चेल्सीमा बिर्सनलायक प्रदर्शन गरेका थिए। त्यस समय लिभरपुलको विरुद्धनै चेल्सीका लागि डेब्यु गरेका टोरेस खासै जम्न सकेका थिएनन्। उनि चेल्सीबाट लोनमा एसी मिलान पनि पुगेका थिए। चेल्सीबाट करार सकिएपछि टोरेस आफ्नो पुरानो क्लब एटलेटिको फर्केका थिए।

हिजो भएको अडी कपको खेलमा लिभरपुलले म्युनिखलाई ३-०ले पराजित गरेको थियो भने एटलेटिकोले नेपालीलाई पराजित गरेको हो। नेपाली र म्युनिखले पनि आज खेल्ने कार्यक्रम रहेको छ।

लिभरपुल र एटलेटिको आमने सामने हुने खबर पाउने बितिक्कै टोरेसले ट्विटर मार्फत आफु उत्साहित रहेको बताए। उनले लिभरपुलको ट्विटलाई कोट गर्दै ‘कान्ट वेट टु फेस द रेड्स’ अर्थात् लिभरपुलसँग खेल्न एकदम उत्साहित छु लेखेका थिए।

लिभरपुलमा ४ सिजन बिताएका टोरेसले ८१ गोल गरेका थिए भने क्लबमा आफ्नो छुट्टै पहिचान बनाउन सफल रहेका थिए।