7 years ago
August 11, 2017
पेरिस (एजेन्सी) – विश्व कीर्तिमानी रकममा फ्रान्सेली क्लब पेरिस सेन्ट जर्मेन (पिएसजी) पुगेका फरवार्ड नेयमारले आइतबार हुने ग्वेनगाम्पविरुद्धको लिग खेलमा क्लबका लागि डेब्यु गर्ने भएका छन्। गत साता पिएसजी आइपुगेपनि स्पेनिस लिगले ट्रान्सफरको प्रमाण पत्र उपलब्ध नगराएपछि उनले पहिलो खेलमा डेब्यु गर्न पाएका थिएनन्।
२५ वर्षे ब्राजिलियन फरवार्ड बार्सिलोनाबाट कीर्तिमानी २ सय २२ मिलियनमा फ्रान्सेली लिग आइपुगेका हुन्। पहिलो खेल दर्शक दिर्घामा बसेर हेरेका उनले पिएसजीको दोश्रो लिग खेलमा डेब्यु गर्ने पक्का भएको छ। अवे मैदानमा ग्वेनगाम्पविरुद्ध हुने खेलमा नेयमारले डेब्यु गर्नेछन्। स्पेनिस लिगले समयमै अन्तर्राष्ट्रिय स्थानान्तरणको प्रमाण पत्र (आइटिसी) उपलब्ध गराएपछि उनले आउने खेलमा सहभागी हुन पाएका हुन्।
नेयमार पिएसजी आइपुगेको डेढ साता पछिमात्र स्पेनिस लिगले उनको अन्तर्राष्ट्रिय स्थानान्तरण प्रमाणपत्र (आइटिसी) उपलब्ध गराएको हो। फ्रेन्च लिगले उक्त प्रमाण पत्र प्राप्त नगर्दासम्म नेयमारले पिएसजीबाट खेल्न पाएका थिएनन्। सामान्यतया ट्रान्सफर पुरा भएको २/३ दिन भित्रै उपलब्ध गराइने प्रमाण पत्र स्पेनिस लिगले जानाजान नपठाएको भन्ने आरोप समर्थकहरुको थियो।
नेयमारको ट्रान्सफर हुँदा पनि ला लिगाको अध्यक्षले उक्त रिलिक क्लजको चेक बुझ्न मानेका थिएनन्। त्यसबेला अध्यक्ष जाभिएर टेबासले नेयमारका वकिलहरुले दिएको चेक लिन मानेका थिएनन्। स्पेनिस लिगले नेयमारको प्रस्थानपछि स्पेनको लिग फुटबलको लोकप्रियता केहि घट्ने डरले उनको ट्रान्सफर रोक्ने प्रयास गरेका थिए। तर फ्रेन्च लिगले छोटो समयमै प्रेस वक्तव्य जारी गरेपछि ट्रान्सफर भएको थियो। फ्रान्सेली लिगले आइटिसी उपलब्ध नगराए फिफामा पुग्ने भनेपछि स्पेनिस लिगले उक्त प्रमाण पत्र जारी गरेको फ्रान्सेली मिडियाले जानकारी दिएका छन्।
May 8, 2024
काठमाडौं (हाम्रो खेलकुद) – सहिद स्मारक सि डिभिजनको सातौं चरणको पहिलो खेलमा जित दर्ता गर्दै आरसी ३२ फुटबल एकेडेमी तालिकाको शीर्ष स्थानमा उक्लिएको छ । बुधवार एन्फा कम्प्लेक्समा भएको खेलमा आरसी ३२ ले स्पोर्ट्स एकेडेमी साँगालाई २-० ले पराजित गरेको हो । आरसी ३२ को जितमा सुजन बलम्पाकी मगर र सञ्जय सुब्बाले समान १-१ गोल […]
May 8, 2024
एजेन्सी – युरोपेली च्याम्पियन्स लिगको फाइनल प्रवेशका लागि स्पेनिश टोली रियल म्याड्रिड र जर्मन टोली बायर्न म्युनिख आज भिड्दै छन् । रियलको घरेलु मैदान सान्टियागो बर्नाबेउमा हुने दोस्रो लेग आज राती १२:४५ बजे सुरु हुनेछ । बायर्नको घरेलु मैदानमा भएको पहिलो लेग २-२ को बराबरीमा सकिएको थियो । बायर्नले खेलमा रहेको अग्रता अन्तिम तिर गुमाउन […]
May 8, 2024
एजेन्सी – फ्रेन्च टोली पेरिस सेन्ट जर्मेन (पिएसजी) लाई पराजित गर्दै जर्मन क्लब बोरुसिया डर्टमुण्ड युरोपेली च्याम्पियन्स लिगको फाइनलमा प्रवेश गरेको छ । पिएसजी माथि दोस्रो लेगमा १-० सहित समग्रमा २-० को जित हासिल गर्दै डर्टमुण्ड ११ वर्ष पछि च्याम्पियन्स लिगको फाइनलमा पुगेको छ। पिएसजीको घरेलु मैदान पार्क डेस प्रिन्सेसमा भएको दोस्रो लेगमा डर्टमुण्डका लागि […]